為了實現媽媽遺願，我成為了女校男生: 日本之旅（5）

大阪關西機場入境果到，永遠都係咁多人排隊，好羨慕姐姐可以用crew通道入境。佢入境前俾左30萬円阿風，然後就同班同事入左境
 
「姐夫~30萬喎，夠唔夠你用呀?」
 
「妳係咪想我送野俾妳先?」
 
「咁當然架啦，我識做嘅…夜晚同你換房?」
 
「我第一晚住返原本間酒店，之後先睇下有冇房轉過黎先算啦」
 




「喂!妳想自己一個人瞓呀?唔得」
 
「家姐，一陣妳地夜晚運動太嘈，嘈到我瞓覺咁點算喎」
 
「妳…妳咪亂諗埋呢D野啦」
 
「車，家姐妳遲早都會架啦，有咩所謂」
 
「雪晴，妳陪返家姐瞓啦，始終我同佢同房唔太好嘅」
 




「拿…你到時唔好叫我出去自己行一陣呀，我唔理妳地架」
 
經過長長嘅排隊，我地終於辦好入境手續
 
Ba b同阿風各自拎左架行李車幫我地車行李同埋車雪晴(係，佢坐左係行李上邊)
 
好啦，終於黎到日本旅行最大嘅問題，我地要去買車票，買唔係問題，係賣果個唔識英文呢…每一次都係我同雪晴負責買
 
「R…..Hello….English…OK?」不過人地好似唔OK
 




係呢個時間，阿風展現佢另一面俾我睇，估唔到短短五年，佢可以變成咁
 
「すいません、南海線ラらベートチケット五枚お願いします。」
 
「ラらベートチケット五枚、全部大人ですか」
 
「はい!全部大人です。」
 
阿風佢…可以用流利日文同日本人溝通…當時我地一家四口都係呆哂，短短幾年間，佢唔止讀書有超級大嘅進步，佢仲識埋日文
 
=====================================================/
幫雪凝佢地買埋車飛，我地準備上南海電鐵
 
「妳地做咩呆左咁望住我呀?」
 




「姐夫…你識講流利日文?」
 
「我自學日文架嘛…睇下日劇睇下書，以前家姐又有日本同學同教授，我咪識囉」
 
「你有咩程度呀?」
 
「我得N3架咋，而家冇時間再考N2」
 
「咁今個大阪之旅就拜託哂你啦姐夫」
 
「有咩拜託我呀?」
 
「叫野食、買野、問路、仲有好多好多」
 
「妳去D咁大路嘅地方，果到好多人都識英文啦，唔洗勞煩我呀?」




 
我地一行五人上到南海電鐵
 
「拿，我係新今宮落車，妳地係難波落車，如果酒店有房嘅話，我就聽日轉過黎啦」
 
「洗唔洗我陪你去酒店先呀?」
 
「傻啦，我落車個站係西成區，全日本最窮、治安最差嘅地區，我自己一個得啦，妳地去難波果邊休息下，聽日我先過黎啦」
 
「咁你要小心D啦知嘛?」雪凝又係扁起咀同我講
 
「冇事嘅」
 
「下一站，新今宮站」
 




「聽日見啦，拜拜bb豬，拜拜」
 
一落車嘅我，顯得非常興奮
 
「大阪我黎啦!!!!飛田新地我黎啦!!!」
 
不過第二日開始我都係轉左去雪凝佢地果邊住