為了實現媽媽遺願，我成為了女校男生: 日本之旅（4）

痴線架!!ba b問埋哂呢d問題，不過我又好開心，阿風公開同ba b承認想娶我，終於，我公開咁第一次主動係我父母面前錫我男朋友，應該係話錫我未婚夫
 
「(bb豬妳傻左咩)」阿風有d唔知點好，但佢又好似好開心咁喎
 
「(程逸風你同我聽住!我林雪凝只會嫁俾你一個。我只會為你一個人…)」我同阿風咬住耳仔咁講
 
「(為我一個人做咩呀?bb豬)」
 
「(我只會為你一個人生bb)」我面紅紅咁同佢講
 


阿風聽完後，佢繼續拎notes出黎溫
 
「你又溫書?你唔識同我玩架?」
 
「(我留返今晚先同妳慢慢玩)」
 
「(冇呀，今晚我陪阿妹瞓，你自己搞掂佢)」
 
「(自己搞掂?)」阿風望一望自己
 


「(一係叫Samantha幫你囉)」
 
「(妳又話會幫我生bb嘅?)」
 
「(契媽話一年內唔可以大肚呀，聽契媽話)」我用手指點一點佢個鼻
 
「(咁妳就唔好引我啦)」
 
「(等我認為你會真心真意對我先啦)」
 


=====================================================/
 
飛左幾粒鐘，差唔多要落機，雪凝仍然攬住我瞓緊，忍唔住趁佢瞓緊果時錫左佢一下
 
「嗯…落機啦bb?」佢終於識起身
 
「差唔多啦，妳去叫阿妹起身啦」
 
果時雪晴瞓到呢…個口打開哂，流哂口水出黎咁，我真係擔心呢個姨仔會唔會嫁唔出，忍唔住影左佢一張相
 
「喂呀!!你做人姐夫就唔好蝦個妹啦!!」雪凝一瞼不滿咁講
 
「呢個時間梗係要拍片架嘛」睇黎佢比較鍾意玩個妹多D
 
「作死你兩個咩!!雪晴，到大阪啦，起身啦」又係家姐幫雪晴解圍


 
「姐姐，妳又話叫Danny哥哥出黎嘅?」
 
「佢差唔多架啦，妳地等陣啦」
 
「姐夫寫埋Log就得架啦，班機應該冇咩事」
 
「你咁清楚?」
 
「妳唔記得我想做飛機師咩?」
 
「我知…不過飛機師要去澳洲受訓一年喎，咁我咪…」
 
「到時可能我帶埋妳過去呢?」
 


「林醫生、林姨姨你地好，呢個係我男朋友高級副機長Danny Fong」家姐介紹姐夫俾人識果陣永遠都係咁小鳥伊人，有時連姐夫都俾佢嚇親
 
「辛苦哂你啦，要照顧佢地兩姊弟，仲要保持精神渣飛機」
 
「林醫生唔洗客氣，我舅仔佢好聽話，冇令逸怡擔心，而家有Jessie幫我地兩個手就更好」
 
「Danny哥哥你太客氣啦，我做返本份者…」雪凝耷低頭咁講
 
「你地係日本10日?」
 
「係呀」
 
「10日後返香港果班機都係我飛，到時又可以見面啦」
 
「下?家姐妳唔見我10日呀?」


 
「唔想見到你10日」
 
正當我地一齊落機果時，我又全身起哂雞皮
 
「喂~小風風~~洗唔洗我借套制服俾你地呀?你知你最鍾意呢d野架啦，睇av都要睇制服系列」
 
又係Samantha姐姐，姐夫次次見到呢一幕都要偷笑
 
鬼咩!!!以前係Hall睇av俾佢地撞破左就唱到我而家
 
同時間，雪凝個頭都有好大煙出