為了實現媽媽遺願，我成為了女校男生: 拍拖返學

星期一返學前，我好早就去到雪凝屋企樓下等佢，果陣未正式入冬，但天氣都比較凍，雪凝著左冷衫落黎，再加埋我織俾佢條頸巾
 
「阿妹呢?」好少可唔見雪晴陪佢
 
「今朝Ivana黎接左佢走呀，做咩呀?哦!你掛住雪晴多d!!你好呀!!」雪凝扁哂咀咁講
 
「傻妹，雪晴係妳個妹咪即係我個妹，咁我都關心佢架嘛，妳連個妹嘅醋都要呷呀?」
 
「邊個話雪晴係你妹妹呀?」
 




「咁妳嫁左俾我，雪晴自然係我個妹架啦」
 
「啱啱同你拍拖唔夠48小時，咁快就諗到要我嫁俾你呀?」
 
「係呀!!我仲諗到生幾多個小朋友添呀」
 
「咸濕鬼!你睇你，咁凍天氣都唔戴頸巾，小心要去ba b到睇醫生呀」
 
「咁冇人織俾我嘛」
 




然後雪凝係袋拎出一條同我織俾佢果條一樣顏色嘅低針頸巾，掛係我條頸上
 
「我早就織左俾你啦，以後你唔准戴其他人織嘅頸巾架!」
 
我搣住佢塊面「都係妳夠細心」
 
我地兩個手拖手咁行去搭巴士返學，上到巴士之後我地兩個都要分開少少，因為第二個站開始已經有同學上車
不過我地係小食部買早餐時，阿姐已經睇出少少破綻，平日我同雪凝總係分開俾錢，但今日，我同佢已經一齊買早餐，一個人俾錢，加埋我地條同顏色頸巾，阿姐都忍唔住對我地笑一笑
 
「阿姐都後生過，好好地對人地呀知嘛風仔」




 
「哦…知道啦…」
 
我地前後腳返入課室，呢個係我地嘅默契，不過一入到去，氣氛已經唔同左
Ivana、雪晴同詩敏已經對住我奸笑
 
「風哥哥，阿嫂呢?」
 
我用一個好無奈嘅眼神望住佢地三個
 
「姐夫，咁快扔低家姐呀?」
 
唉…女人之間真係冇秘密
 
「你肯認未呀?」Ivana以一副大家姐口吻係到問我




 
「妳地三個都知道啦，仲要我認咩呢?」
 
「風哥哥，我就係想你親口承認」
 
我返到埋位果陣，兩個小妹妹仲係到煩我，而雪凝亦係同一時間返到
 
「哎呀~~bb豬呀~」Ivana又係到抽水恥笑
 
雪凝一聽見bb豬就立即紅哂塊面望住我，我指一指雪晴，然後叫雪凝過黎
 
「點呀妳地三個?」
 
「就係想聽耳聽你地承認，快d啦，其他人就返黎啦」
 




我係佢地面前拖起雪凝隻手
 
「好啦…我地星期六開始左啦，結束10年暗戀長跑啦，得未?」