為了實現媽媽遺願，我成為了女校男生: 阿妹知道了

返到屋企攤係床上邊望一望條頸巾，佢真係好有心機織，而且仲織得好!核!突! 不過呢條係我17歲女收過最靚嘅頸巾。自己一個人係到回想返頭先佢對我表白時嘅情況，同小學時一樣，係突然之間向我發動突襲，佢揀左一個我永遠唔會忘記嘅日子11月23日，係我嘅生日，同埋我正式有初戀男朋友嘅日子，我終於離開A0。正當我係到傻笑果陣，我先發現阿妹入左黎我房對住我奸笑。
 
「家姐~~~~嘻嘻」
 
「妳…做咩笑到咁奸呀?」
 
「條頸巾…姐夫織俾妳嘅呢?」
 
「多…多事啦妳」
 




「妳都織左條低針，一樣顏色架喎」
 
「妳…咪咁八啦」
 
「咁開始左拍拖未呀?嘿嘿」
 
「未呀!妳唔好亂諗野啦」
 
「哦~係咩?bb豬!」
 




阿妹一講呢句果陣我已經明白，頭先佢一定係現場，又做觀眾
 
「妳…妳睇到哂?」
 
「當然啦」
 
「係邊到開始?!」
 
「妳地落電車果時囉」
 




「咁咪即係全程睇哂?」
 
「係呀!姐夫用返同一招喎，係咪個心好甜呢家姐?」
 
「好啦好啦，我同佢開始拍拖啦，得未?我認啦」
 
「姐夫仲錫左妳幾次，最後果次家姐妳好主動添喎」
 
「好啦好啦，妳家姐我都會怕羞架!!」
 
「幾時帶佢返黎食飯呀?ba b話過妳一拍拖就要帶佢返黎食飯喎」
 
「咁快呀…拍左拖一個鐘咋喎…」
 
「不如就今晚丫」




 
「今晚?!」
 
「今晚妳生日嘛，唔係喎，咁咪益左佢，唔洗請妳食飯，唔係喎!!!以後妳地拍拖紀念日同家姐妳生日一樣，咪變相食一餐?姐夫真係好Cheap呀!!!」
 
咁佢又真係Cheap左少少嘅……
 
點解…雪晴對眼有D腫嘅?