為了實現媽媽遺願，我成為了女校男生: 研究頸巾

「妳就好啦bb豬，有男朋友織頸巾俾妳戴」Ivana係到研究我條頸巾
 
「不過力度好似唔太啱咁嘅?」
 
「佢第一次織咋，我都冇要求咁多」
 
「妳睇妳丫，而家成個程太咁啦，幾時搬埋去同佢一齊住呀?」
 
「細聲d啦!!我唔想個個都知我有佢屋企鎖匙呀」
 




「咁人地家姐都俾得妳囉，怕咩喎，佢家姐知未呀?」
 
「家姐飛溫哥華，冇咁快返」
 
「改埋口叫家姐添喎，妳而家個樣好甜啦」
 
「邊…邊係喎」
 
「俾妳等到啦，10年之間拒絕咁多男仔，終於俾妳等返佢」
 




「好啦，唔好笑我啦」
 
「妳地兩個係talent show做好必死決心未呀?」
 
「應該冇咩事嘅…」
 
果然，阿風真係俾學生會邀請左上台上進行”你問我答”環節