為了實現媽媽遺願，我成為了女校男生: 同家姐的UNO

正當我好夢正甜時，忽然有舊野飛上我身到
 
「起身啦姐夫!!!!」雪晴成個人飛左上黎我到
 
「死啦…」
 
「姐夫尋晚做咩咁夜瞓呢，快D起身啦」
 
俾個姨仔嘈醒左之後，我地連埋家姐四個人一齊去買旅行D野
 


係超市內，家姐帶住雪晴係到行，而我就推住架車，雪凝係輕輕Q住我慢慢行
 
「妳尋晚瞓唔瞓到覺呀?」
 
雪凝笑得好甜咁「瞓到呀」
 
「以後唔好呷D小妹妹醋啦」
 
「咁…我想你緊張下我丫嘛」雪凝耷低頭鼓成泡腮
 


「真係?9月見返面開始?定係妳…係5年前已經…」
 
雪凝的確係冰雪聰明，一聽就知我講乜，然後佢又係塊面紅到去頸，不停打我手臂
 
「喂呀!!我女仔黎架!!」
 
「又點喎，反正我而家知道左啦」
 
「你…你都知啦!!仲要我開口!!」佢仍然不停咁打落黎
 


「得啦得啦…唔玩妳啦，不過幾時開始架?」
 
「唔答你呀!死人頭」
 
買完野之後，我地4個人係我屋企玩左成日
 
「draw  4」
「draw  4」
「draw  4」
「draw  4」
 
「喂……你咁對你家姐架?」
 
「妳屎忽痕draw人先架喎」
 


「妖!!死仔包」
 
「draw  2」x2
 
「夠啦粉腸!!20隻啦!!!」
 
「結!」
 
「頂你個肺丫!!」
 
雪凝同雪晴兩姊妹見到我同家姐互Draw嘅情況，笑得好開心