為了實現媽媽遺願，我成為了女校男生: 對姐姐的承諾

“叮噹”雖然已經係10點，而且打俾佢都有聽電話，唔知佢瞓醒未呢
 
「家姐，拉埋我黎做咩呀?」
 
「妳當陪下我囉」
 
「我唔想睇真人四仔呀」
 
“啪嚓”阿風屋企對門打開左，不過開門嘅係怡姐姐
 




「呀…早晨呀怡姐姐」
 
「佢仲瞓緊喎」
 
「但剛先佢先聽我電話」
 
我地入左屋之後怡姐姐先同我地講
 
「佢呢，就係咁懶瞓架啦，所以雪凝妳要習慣下，將來點叫佢起身」
 




聽到怡姐姐咁講，我塊面再紅一紅「姐姐妳唔好亂講啦…」
 
「家姐妳係鍾意人就認左佢啦，尋晚姐夫氹妳瞓覺，妳瞓著左仲係到笑呀，都唔知佢唱左咩歌俾妳聽」
 
「雪晴妳想知呀?」
 
「當然想啦姐姐，睇下姐夫有幾浪漫」
 
怡姐姐拎左個電子琴出黎
 




「雪凝，尋晚我細佬係咪唱呢幾首歌妳聽?」
 
怡姐姐彈出左果首歌嘅旋律出黎，我又諗返起尋晚阿風唱俾我聽果一刻
 
「係唔係呢幾首歌?」
 
「係…係呀…點解姐姐妳會知?」
 
「嘩!!!家姐，好浪漫喎」
 
「我當然知啦…」怡姐姐個樣有d傷心
 
「我細佬仲有冇講…呢幾首歌對我地屋企有咩意思?」
 
「佢講過…係妳地爸爸用黎氹媽媽瞓覺嘅歌」




 
怡姐姐眼中有少少眼淚流出黎
 
「都啱嘅…雪凝我想妳應承姐姐一件事」
 
「係!」
 
「將來我嫁左之後，妳要好好地幫我照顧我細佬，佢係我唯一親人」
 
「姐姐妳要結婚啦?」
 
「我係指將來」
 
我諗左一陣，怡姐姐對眼好期待我答佢
 




「冇問題，將來我會好好照顧阿風」
 
「咁我細佬拜託妳啦弟婦」
 
「下…我地…未拍拖架」
 「好快架啦，信我啦」