為了實現媽媽遺願，我成為了女校男生: 坦白承認

氹左個傻妹瞓之後，我再次拎起織到一半嘅頸巾，慢慢係到織，織到非常入神
 
「頭先…你唱左果幾首歌俾雪凝聽呀?」家姐非常不修篇幅咁企係我間房門口
 
「妳聽到?」我繼續織頸巾
 
「家姐問你呀!係咪唱左歌氹人瞓覺呀!」
 
「係呀!我係鍾意佢呀!!由小學果時已經開始啦!!我點知道佢果陣派左黎呢間學校者?我只係知佢去左間好勁嘅女校咋!我一認得佢果時，所有野一次過係我個心到湧哂出黎啦」
 




「我只係想問你，你係咪對人認真?唔係玩玩下?」
 
我拎起織緊條頸巾俾家姐睇「我而家似玩玩下咩?」
 
家姐睇到我織嘅頸巾之後…
 
「好L核突呀D你…你叫人點戴呀!同我拆左佢再織過啦」
 
「我第一次織點會靚呀!!仲有呀!!聽日妳同我夾口供呀!!佢以為我織俾妳架」
 




「D你!!你搵家姐過橋?」
 
「家姐…我真係對雪凝認真架…我…想…娶佢，所以我先…」
 
「得啦，家姐信你，你咁多年都未試過咁樣對女仔。你仲收埋佢同你張相係銀包，你估我唔知咩」
 
「妳信我就好」
 
「你唔記得左，我地兩姊弟係點樣先黎到呢個世界架咩?」
 




「家姐…妳唔好再提啦好嘛…妳明知我…」
 
的確，每次諗起爸爸媽媽係醫院果時，諗起家姐係大學好辛苦讀書做功課果時都抽時間陪我，我都會忍唔住喊
 
「要唔要我幫你織埋佢?」
 
「我想…親手織俾佢…親手幫佢戴」
 
「你大個仔啦…家姐管唔到你咁多，不過你千祈唔好搞出咩事出黎，著校服大肚好麻煩架，特別你讀緊女校」
 「知啦!」