為了實現媽媽遺願，我成為了女校男生: 恐怖雞2.0的威力

係陸運會，我冇可能坐係看台上欣賞比賽，實在太多誘惑啦，波濤胸湧，周圍都好胸狠，如果搞埋水運會嘅話我真係唔知會點。原本我想射波唔去嘅，但班體育老師又話一齊落場跑1500米，所以我就俾佢地昆左黎。
 
不過係教職員休息室蛇王都好嘅，至少有冷氣涼，唔洗係外邊曬
 
忽然間，四周圍嘅空氣變得異常寒冷，其他阿sir都覺得開始凍
 
「點解突然咁凍嘅?」
 
「冷氣冇問題喎」
 


休息室道門俾一股凶猛嘅殺氣撞開，係我地學校最強兵器，所有男教職員都要對佢敬畏三分嘅訓導主任恐怖雞，即係我契媽
 
「Miss孔…咁得閒呀?」
 
契媽指住我「我黎搵佢」
 
「程逸風，你出去睇下有咩幫到訓導主任，快d」
 
我回身望一望其他雄性生物，佢地都以一個同情嘅眼神回望我
 


當我行近契媽時，就感覺到有人向我衝過黎
 
「風哥哥!!!今日你一定要陪我兩個人食飯呀!!」
 
「詩…詩敏?今日?好多人喎」我望一望詩敏，佢對住我笑得好開心
 
「唔怕啦，你好耐冇陪過我去玩啦，我今日要做你新娘子架」
 
「詩敏呀，呢到好多人呀…唔好咁Q住我先好唔好?」
 


「哦!!你有雪凝姐姐就唔理我啦?!媽咪呀!!」
 
我用求救嘅眼光望住契媽
 
「好啦Jasmine，呢到仲有其他同學係到架」
 
「唔…Jasmine?我返上去先啦」
 
係呢個時間我先發現到雪凝係到，佢個樣唔係太好睇，拿!!我指面色呀
 
「呀…雪凝呀，我陪妳返上去丫」
 
「唔洗啦，你陪Jasmine啦」
 
雪凝返上去時好似有d唔開心咁樣，係咪因為詩敏呢?99%都係架啦


 
「點呀?妳做咩突然咁痴身呀?」
 
「唔痴下你身，點樣同人地講要緊張你多d呀?」
 
「妳講咩呀衰妹?」
 
「你唔知咩?係F.3果級已經有人想越級挑戰雪凝姐姐嘅地位啦，你快D俾個名份人地啦」
 
「唔會呱?妳邊到聽返黎?」
 
「廁所囉，不過呢有同學見到你地前排一齊行街買野喎，總之呢，我就盡量幫你擋哂D野佢，你就放心追人地啦」
 
「件事唔係妳咁諗呢」
 


「Karen Lam果條頸巾~我又要!」
 
「唔買呀!」
 
「噢~~雪凝姐姐冇lu~~」
 「買就買啦!!」詩敏嘅恐怖程度，完全係迫近契媽，係生命科學上呢D就叫做遺傳