為了實現媽媽遺願，我成為了女校男生: 小恐怖雞與恐怖雞

「妳…搵阿風咩事?」
 
聽見有6B班同埋雪晴以外嘅女仔黎搵阿風，根據女仔嘅自我防衛本能，我係立即提起戒心。不過Jasmine不愧係恐怖雞個女，佢用佢媽媽一樣嘅眼光上下打量我一次之後先講
 
「放心啦，我唔係黎搶佢走，而且，風哥哥有心上人，不過果個唔係我」
 
估唔到我嘅心事俾一個大我妹妹一年嘅師妹一眼睇穿，搞到我有D唔好意思
 
「唔好意思…我唔係…我帶妳搵佢啦」
 




「唔緊要喎，我都知做女校男生嘅女朋友係辛苦D」
 
「下…我同佢都冇…」
 
「不過妳自己鍾意風哥哥呢?」
 
估唔到而家D小妹妹呢樣都知道，但因為佢係恐怖雞個女，所以我唔可以承認
 
「唔係呢，邊到有鍾意佢」
 




「雪凝姐姐，唔洗怕羞喎，妳鍾意風哥哥，想做我阿嫂呢，唔係Karen講，而係我媽咪自己睇到」
 
「妳話…Miss孔佢…」
 
「佢係呢度嘅訓導主任，又係風哥哥同怡姐姐嘅契媽，佢用佢招牌眼神加動作，乜都睇清哂」
 
Jasmine邊講邊扮佢媽咪嘅動作同眼神，相信全校只有佢敢做，同埋扮得咁神似
 
「同學，我唔反對妳同男仔拍拖，始終細路女拍拖係正常嘅，但記住要小心保護自己，唔好影響對自己最重要嘅事」
 




係我眼前出現恐怖雞2.0，仲要係年輕版
 
「妳真係扮得好似Miss孔」
 
「扮得似呢?我仲可以扮佢係屋企痴住daddy個樣，包妳地大開眼界」
 
「但係妳咁公開扮Miss孔，妳唔怕俾佢鬧咩，妳唔記得兩年前果件事啦?」
 
突然間，四周空氣變得異常寒冷，我同Jasmine都feel到有少少唔對路，好似有d野係我地身後出現咁樣
 
「姐姐…妳feel到嘛?」
 
「妳係咪諗緊同我一樣嘅野?」
 
「冇錯……」




 
我同Jasmine一齊回頭時，見到Miss孔用佢招牌眼神、拎住杯麥當當熱奶茶企係我地後邊
 
「Miss…Miss孔…早晨」
 
「媽咪……」
 
「妳都扮得幾似喎，仲想扮d咩俾姐姐睇呀?」
 
「冇…冇呀…」
 
Miss孔嘅殺氣令到佢個女都企定定係到，不愧為恐怖雞
 
「妳地兩個想去邊?洗手間同小食部唔係呢邊喎」
 




「我想搵風哥哥架媽咪」
 
「Jessie妳呢?妳又去搵程逸風?」
 
「我…我帶Jasmine去搵佢…」
 
「妳兩個跟我黎!!」
 
我地異口同聲咁講左聲知道之後，就乖乖地咁跟住恐怖雞去教職員休息室