為了實現媽媽遺願，我成為了女校男生: 少少呷醋

「織織復織織，雪凝不停織，不聞老公聲、唯聞妻嘆息」Ivana坐係我身邊望住我織緊果條深藍色頸巾
 
「剛先個小妹妹呢，叫妳老公做風哥哥喎，妳唔呷醋架咩?」
 
當時Ivana拎住個望遠鏡係到睇其他同學跑步，佢完完全全係一個麻甩系女仔
 
「Jasmine?佢係阿風個契妹啦」
 
「小心契妹契上床喎，妳應該知d男人架啦」其實應該更小心Ivana先啱
 




「我信佢地兩個嘅，始終Jasmine係恐…呀…冇事」
 
「果個女仔好似係恐怖雞個女喎，照妳咁講，佢係妳老公個契妹，咁阿風咪係恐怖雞嘅…」
 
我好佩服Ivana嘅推理能力，所以佢應該去做私家偵探
 
「細聲d啦!!阿風唔想俾咁多人知」
 
「佢真係恐怖雞個契仔呀?」
 




我不停點頭「阿風過左身嘅父母同恐怖雞係同班同學」
 
「咁妳咪係恐怖雞個新抱?」Ivana好驚訝咁講
 「喂呀!!妳細聲d啦」
 
「咁妳做咩悶悶不樂呀?」
 
「今日lunch佢地兩兄妹去自己食飯啦，唔陪我囉」今次我扁起埋個咀
 
「妳睇妳呷醋個樣丫!!!!!」