為了實現媽媽遺願，我成為了女校男生: 妹妹的生日

「衰妹!!生日快樂!!!」今日係雪晴13歲生日
 
「多謝家姐!!我份禮物呢?快D俾我啦」
 
「拿!!妳大個女啦，唔再買毛公仔俾妳啦」
 
雪晴拎住我俾佢份禮物左睇右睇，估左好耐都唔知係咩黎，所以佢決定打開黎睇
 
「家姐妳做咩送首飾盒俾我呀?」
 




「家姐知妳大個女，遲D會開始買首飾，所以咪買定俾妳囉」
 
雪晴用奸笑嘅眼光望住我
 
「係妳諗到丫，定係姐夫諗到呀?」
 
「妳咪理啦」
 
「咁姐夫果份呢?」
 




「佢會俾妳架啦」
 
「雪凝，妳男朋友隻錶整好啦」
 
「下?真係嘅?」
 
「唔難整嘅，幫隻錶抹哂油架啦」
 
「幾多錢呀ba b?」
 




「衰妹，ba b會同妳地計錢架咩?」
 
「咁都要報答你架」
 
「帶佢返黎食飯囉」
 
「下?帶佢返黎?佢又唔係我男朋友」
 
「咁就等妳地拍拖果時就立即帶佢返黎囉」
 
「知道啦…」
 
「今年聖誕節我地去大阪玩好唔好?」
 
雪晴一聽到去日本玩就開心到大叫




 
「好呀!!!我要去環球影城!!!」