為了實現媽媽遺願，我成為了女校男生: 明明紅燈轉眼變成綠燈

果刻我視線仍然停留係雪凝到，而佢都發現左，係到向我揮手，Ivana係佢身邊用自己隻手伸去雪凝個咀到幫佢飛吻，之後佢就俾雪凝紅住面咁追打。呢一幕俾企係條柱後嘅契媽睇到哂。
 
「Jessie Lam，林雪凝，CE 5A3B，連續五年學校模範生，所有老師心中嘅寵兒。佢妹妹Karen Lam，林雪晴，F.2D，舊年F.1全級第一。兩姊妹都係你小學同學，係唔係?」
 
「下…契媽妳點知架?」
 
「我唔知就做唔到你契媽啦，你對Jessie有意思?」
 
「契媽妳咪玩我啦」
 




「我地一班老師有眼睇嘅，如果個家姐唔係對你有意思嘅話，點會煮埋你份晏?」
 
「但係…我承諾過…」
 
「咁契媽又唔係真係班學生咁講係恐怖嘅，後生仔女拍拖好正常，你爸爸當年都係呢個時間追你媽咪」
 
「我係怕，雪凝俾人用閒言閒語攻擊，我俾人話冇所謂，但係雪凝係女仔，一個唔小心累埋雪晴就大問題」
 
「你連咁為其他人著想嘅性格都似足你爸爸」
 




「呢個係爸爸教落，改唔到」
 
「我個女想同你食下飯呢，不過係學校冇機會，我想叫佢拎湯俾你都唔得，得閒咪約下佢食飯囉」
 
「我怕累到契媽妳」
 
「你以為，恐怖雞係浪得虛名架咩?」
 
「唔係」
 




「咁你仲唔落去上堂??想走堂呀??」
 
「唔係!!」
 
「快D跑落去!!然後跑10個圈!!張SIR!!你同佢一齊跑!!!睇實佢跑足10個圈!!!少一個都唔得」
 
「係…知道…」
 
契媽不愧係恐怖雞
 
「死仔包!!!點解我要陪你跑呀?」
 
「你自己問恐怖雞囉!」
 
我同體育阿Sir一齊罰跑圈，一班女仔就睇得好開心




 契媽咁同我講，係咪代表佢開綠燈俾我追雪凝呢?