為了實現媽媽遺願，我成為了女校男生: 妹妹/姨仔的禮物

我同雪凝企係F.2D課室門口，伸個頭入去，果陣已經引黎唔少小妹妹目光
 
「林雪晴!!妳同我出黎!!妳份生日禮物係到呀」
 
雪晴以保特嘅速度由佢個位到飛出黎，佢準備衝線之際我就伸手舉高份禮物
 
「妖!!俾我啦」
 
「妳拎到咪拎囉」
 




我身高185cm，雪晴果陣仲要矮過雪凝，大約147左右，所以佢跳極都拎唔到份禮物
 
「家姐呀!!姐夫蝦我呀!!」
 
「妳同我講都冇用架」
 
「快d俾份野我啦!!」
 
「好啦好啦!!!費事要妳跳到成隻青蛙咁啦」
 




「軟綿綿嘅?咩黎架?」
 
「妳打開咪知囉」
 
「咩黎架家姐，妳有份揀?」
 
「冇架，妳姐夫揀嘅」
 
當雪晴一打開個袋，佢雙眼突到就快跌出黎
 




「姐夫，條頸巾好貴架喎!!」
 
「冇所謂啦，買俾妳用，大個女要乖乖地啦」
 
「知道!!你想要回禮嘛?」
 
「咩回禮先?」
 
「叫家姐錫你一啖囉」
 
「喂!!學校黎架衰妹」
 
「咁今日放學家姐妳幫我錫佢一啖當回禮啦」
 雪晴拎住條頸巾好開心咁彈返埋位，佢其他同學顯現羨慕眼光