為了實現媽媽遺願，我成為了女校男生: 恐怖雞，登場!

係女校上運動堂，對我黎講，係一種虐待。一大班女仔嘻嘻哈哈咁著條咁短嘅運動裝加埋孖辮係到上堂打排球，我真係唔知望邊到好，所以我次次都咋病係樓上望住雪凝打排球
 
無可否認，我仲係鍾意佢嘅，佢比小學時更靚，而家生得亭亭玉立，特別佢笑上黎果兩個梨渦，我當年小學就係俾佢嘅笑容所吸引
 
「同學!做咩係到偷望女仔呀?」
 
呢把聲音，係全間學校嘅同學一聽到都會起雞皮，學校嘅最強兵器，恐怖雞。傳聞曾經有男仔係學校門口等個妹放學果時，俾恐怖雞用強勁嘅氣功震左落山
 
不過佢係我契媽，所以我一d都唔驚
 


學校中，只有幾個人知我同恐怖雞嘅關係，校長、班主任、恐怖雞、恐怖雞2.0、同埋雪凝兩姊妹，當我確定四周都冇人時，我都乖乖地咁叫左聲
 
「契媽」
 
「你唔落去上運動堂?連續兩堂喎」
 
「唔啦，得我一個男仔，我可以做d咩?望多兩望又怕俾人當色狼」
 
「你爸爸當年都係咁者」
 


「我知丫，仲俾媽咪星左巴添」真係講起都痛
 
「仲有冇掛住佢地呀?」
 
「話冇就係呃妳啦，家姐成日唔係屋企，自己一個人係屋企就亂諗野，經常要10點幾落街跑步分散注意力，10年前一家人仲好好地，有時食飯果陣仲叫我快D帶個女朋友返去俾佢地睇下，有邊個知10年之內，會得返我同家姐兩個人生活」
 
「果陣我都叫逸怡唔好做空姐，想佢陪你多D，但係你家姐就似媽咪，硬頸」
 
「咁家姐而家識到個副機師男朋友丫」
 


「佢嫁未呀?」
 
「23歲咋喎，咁快嫁?」
 
「你下個月18歲，想要咩禮物?契媽送俾你」
 
「妳送唔到架啦契媽…」