為了實現媽媽遺願，我成為了女校男生: 第一次的約會

準時去到雪凝屋企樓下，唔洗五分鐘佢就落樓，係我記憶中佢永遠都係準時
 
今日佢著件T Shirt加條長裙同平底鞋，家姐講得好啱，雪凝一除左套校服，佢心口果兩枝導彈就會彈出黎，其實上次孭住返屋企都feel到佢係有料，但原來佢比我想像中更有料。佢今日真係好似仙女一樣，仲搽左少少唇彩，而當我見到佢果時，心跳愈來愈快，愈來愈緊張。
 
「喂!等左好耐?」
 
「我都係啱啱先到之嘛，今日做咩著到咁靚」
 
「唔…好普通之嘛」
 




「睇黎妳真係唔再係微波爐啦喎」
 
我咁講完之後，雪凝下意識知道自己今日件衫有少少貼身
 
「咩…咩喎!!你成日叫我微波爐…笑我胸細…咁…咪俾你知道…我而家唔係平胸之嘛!!做乜眼甘甘咁望住我呀!」
 
「話妳微波爐呢，係懷念小學時光」我邊講邊拎件風褸出黎，幫佢著上身
 
「妳著多件衫，唔好俾其他男仔睇蝕哂」
 




「你…介意?」
 
「我唔想我嘅bb豬俾其他男仔睇蝕哂…」

 「你…呷醋?」
 
「唔…唔講啦!行啦」
 
「嗯…」
 




我地搭巴士去到銅鑼灣一帶到搵首飾盒，呢D咁簡單嘅野，其實一搵就搵到，不過身為佢姐夫，都要買少少野俾雪晴嘅
 
於是，我揀左條有花紋嘅頸巾俾雪晴
 
「咦?你唔洗咁破費買野俾阿妹啦，始終你都要搵生活費」
 
「妳唔係以為我冇收入掛?」
 
「你點會有?」
 
「咁...阿爸另一間屋D租金都夠我用嘅...仲有股票D股息都夠嘅...」
 
「下?乜你成個小富翁咁架?」
 
「咁佢地留低俾我......仲有佢地份人壽保險D錢，我都放哂係定期，總之呢，我夠錢上大學，夠錢買嫁妝俾家姐。妳唔係以為我真係寒窗苦讀呀? 」




 
「咁既然你咁有錢，請我食飯都得掛?」
 
「請妳冇所謂，不過妳要陪我買野?」
 
「買咩先?」
 
「冷同針」