為了實現媽媽遺願，我成為了女校男生: 揀褲定揀裙?

星期五嘅夜晚，我係房不停咁搵衫，著裙好丫?定著褲好?
 
「家姐，姐夫約妳去街呀?」
 
「我約佢幫手睇D野嘛」
 
「咁不如順便上埋佢屋企偷埋隻錶囉」
 
「偷…唔係太好」
 




「竊錶…不算偷，讀書人的事，可以偷的麼?」
 
「妳做咩滿口文采呀?仲識背孔乙己課文」
 
「無聊睇下姐…不過家姐呀」
 
「咩呀?」
 
「拿…唔好話做妹妹嘅唔提妳啦，如果妳真係鍾意姐夫嘅話呢，就自己要爭取下」
 




「真係有人想追佢?」
 
「姐夫呢，佢就唔係日日同我地一齊放學，妳應該好清楚啦」
 
「咁星期一同星期四佢要去幫手輔導組教低班嘛」
 
「咁輔導組佢又會拍住F.4果D姐姐，又要教F.1-F.3果D，妳覺得有冇女仔鍾意佢呢?」
 
俾雪晴咁講一講先發現，阿風係學校果時身邊唔止得我地兩姊妹同Ivana
 




「咁…揀邊個做女朋友…係佢嘅選擇自由嘛」
 
「家姐呀!!妳唔識去對人表白架咩?」
 
「下?表白!!我喎?主動對男仔表白?我女仔黎架喎!!」
 
「非常時期，就要用非常手法」
 
「到時先諗啦…我揀緊裙定褲」
 
「裙!!一定要裙!!」
 
「點解呀?」
 
「女仔嘅直覺!!」




 
於是我就聽個妹講，揀左條長百摺裙
 
「家姐，記住聽日要打扮下呀」
 
「唔洗化妝呀?」
 
「搽少少唇彩啦，顯得妳重視嘛」