為了實現媽媽遺願，我成為了女校男生: 初去他的家

「家姐想織頸巾俾姐夫呀?」
 
「係我織，家姐佢唔識織頸巾」
 
「佢唔識?」
 
「佢嘅女子力係無限接近0，我一直唔明佢點樣吸引到個男朋友，一定係本世紀最大迷團」
 
「咁總係有人鍾意麻甩系嘅女仔，呢款女仔好受人歡迎」
 




「即係好似妳咁呀?麻甩系」
 
我邊打佢手臂邊講「我邊忽麻甩呀!!」
 
「係係係…唔麻甩，係變態」
 
「喂呀!!!咁話我架」
 
「得啦得啦!!去買冷啦」
 




「你想買咩色同埋粗定幼針?咩冷?」
 
「唔…邊隻暖D?」
 
「幼冷織出黎會密D暖D」
 
「咁幼冷囉」
 
「咩色先?」
 




阿風係到諗好耐，又將D冷放去我身邊對比
 
「唔…..深藍色啦」
 
「你想織高低針定純低針?」
 
「有分別架咩?」
 
「有架，純低呢，款式普通不過易織，但係高低針呢會靚D，但係麻煩」
 
「咁妳鍾意戴邊款?」
 
「嗯…高低針比較好」
 
「咁….妳一陣要教我喎」




 
「一陣?去邊到開針?」
 
「呀……妳唔介意…又信我嘅話……可以上我屋企嘅…」
 
「嗯…冇問題呀」