為了實現媽媽遺願，我成為了女校男生: 好朋友的助攻

「妳尋晚真係煮飯俾佢今日食呀?」
 
「煮多左姐…」
 
「妳都煮多好多喎，點解唔係妳袋佢個飯盒嘅?」
 
「個妹話，佢幫人袋，要去佢班房到拎，順便打消樓下班妹妹越級挑戰嘅諗法喎」
 
「個妹都識為妳諗喎，妳自己唔主動D?」
 




「又唔知佢有冇女朋友…」
 
「咁妳係咪有意思先?」
 
「唔知呀…自己都唔知」我托住我頭望住窗外
 
「妳以前冇試過鍾意人咩?」
 
「讀女校…邊有機會喎」
 




「以前小學都冇?」
 
「嗯…有嘅…」
 
「妳唔好同我講…就係佢呀?」
 
我面紅紅咁點左下頭
 
「嗯…」
 




「喂呀!連個天都俾左個咁好嘅機會妳，咁妳就要好好把握啦」
 
「但係我又唔知自己係咪仲鍾意佢…而且…俾屋企發現會好大問題…」
 
「冇人叫妳打鑼打鼓咁話俾大家聽自己有拖拍架嘛」
 
「確定佢冇女朋友先算啦…」
 
「得啦!!一陣交俾我問」
 
「妳明刀明槍咁問?」
 
「慢慢引導佢答」