為了實現媽媽遺願，我成為了女校男生: 愛心飯盒

企係小賣部前嘅我，係到思考緊食咩午餐好
 
喂，又係陽光午餐，以為轉左校可以食好D，點知又係呢間垃圾做供應商
 
正當我想落手揀食邊舊屎之時，雪晴走黎叫住我
 
「姐夫呀~姐夫~~唔好食小賣部D野啦」雪晴一見到我又雙手捉實我隻手係到揈
 
「點呀姨仔?我又唔似妳地兩姊妹咁帶飯，我又唔想一個人出街食，仲可以食咩?」
 




「原來你鍾意食屎架?」
 
「嘩…妳女仔黎架喎，咁講野嘅?」
 
「怕咩丫，呢到女校，冇人會扮矜持架啦」
 
「咁妳而家唔俾我買飯，我可以食咩呢?」
 
「咁係你自己唔約家姐食飯之嘛，黎啦!我帶你去食飯啦」
 




我俾雪晴捉左返佢班房，就係我一入去果一下，全場就好齊咁望住我
 
「呀姨仔呀?咁妳請我食咩呢?」
 
「拿!!拎住!!」雪晴拎左個飯盒出黎
 
「妳整架?」
 
「唔洗咁驚恐嘅眼神望住我喎，係家姐整架」
 




之後我嘅眼神就更加驚恐
 
「佢煮野好好食架，你返班房試下先啦」
 
「要我自己對住妳家姐呀?咁不如我留低陪妳食啦」
 
「行啦!!我陪你上去啦」
 
「點解要妳袋住我個飯盒呢?」
 
「家姐費事俾同班同學見到嘛」
 
「咁妳就唔會?」
 
「係呀!」




 
我指一指佢D同學「佢地就可以?」
 
「冇所謂啦，你唔係覺得我地班有人想越級挑戰呀?」