為了實現媽媽遺願，我成為了女校男生: 情定於女校的父母

「係呢，有個問題好想問你，但又怕你尷尬」Ivana帶住微/奸笑咁講
 
「得啦，想知點解入黎女校到讀呢?」
 
「Bingo!!!你真係聰明」
 
「姐夫~~講啦，我同家姐都想知呀~」
 
「對唔住呀，個妹比較八掛」
 




「家姐妳留心d聽下妳夫家d野啦」
 
「妳…妳咪亂講啦」
 
「唔……其實要由我父母開始講返起」
 
「你爸爸?」
 
「對上一次呢到收嘅男學生，就係我爸爸」
 




「下?當年個9A狀元係你爸爸? 」佢地三個眼都突埋
 
我微微點一點頭
 
「因為呢到入U率高，所以爸爸就過黎讀」
 
「所以佢就係到識左你媽咪，拍拖然後生左你呢?」
 
我聽到後就哈哈大笑
 




「雪晴妳個腦真係好簡單，不過佢地真係F.6時拍拖嘅」
 
「姐夫咁你快D講啦」
 
「當年我媽味只係住秀茂坪嘅窮家女，要出黎幫手養家，所以讀完F.7就出身做野」
 
「嘩…30年前讀到F.7好難得架喎」
 
「所以…我媽咪一直希望自己生個女，幫佢完成入大學嘅願望」
 
「咁當年你爸爸呢?」
 
「佢呀……30年前入大學好難，佢碌到入大學，然後…」
 
「然後咩?」




 
「佢畢業就立即娶我媽咪」