為了實現媽媽遺願，我成為了女校男生: 第一次午飯

第二日一早返到學校，見到Jessie，佢同我好似有d尷尬
 
「喂!男班長!!今日賞面一齊食飯嘛?」
 
「同妳兩個撐檯腳?」
 
「你就想，同埋女班長?」
 
「冇咩所謂嘅….不過我怕佢唔鍾意」
 


「係囉佢見到你就同平時唔一樣，非常怕羞」
 
午飯時間，Ivana帶住我去買飯，暫時黎講，我去到邊到，都會俾人當怪物咁望住
 
「咦?唔見Jessie嘅? 」
 
「佢地兩姊妹帶飯架嘛，你掛住佢?」
 
「我以為妳地兩個不論去廁所同返放學都一齊，其實妳地兩個係咪lesbian?」
 


Ivana聽到我咁問就大笑起上黎
 
「係女校，一大班女仔一齊去廁所，一齊返放學係好正常嘅事，唔係下下都要les架嘛」
 
「唏!我點知姐」