為了實現媽媽遺願，我成為了女校男生: 書檯上的合照

望住書檯上邊小學大合照，當時佢企係我身邊，我同佢嘅笑容都係好開心
 
其實6年黎係大合照同我銀包相格入邊…仲收埋另一張相
 
果張相好特別…佢係我身後雙手按住我膊頭，面貼面咁影
 
當時嘅我同今日一樣，仍然係扎住孖辮
 
點解佢對我冇哂印象…明明佢就係鍾意我…眼淚開始係眼窩中流出黎
 




「家姐家姐!!」
 
「咩事呀?」抹一抹眼淚，唔可以俾個妹見到我喊
 
「我覺得姐夫真係好熟口面呢，妳唔覺咩?」
 
「妳咪多事啦!仲有唔好亂講野添呀!!妳點知人地..人地有冇女朋友，會唔會介意架」
 
「家姐妳咁緊張…第一眼就鍾意人啦?冰山美人最終俾人溶化囉」
 




「咪亂講啦!一陣俾ba b同mammy知就死啦」
 
「咁妳係唔係鍾意人姐?快d答我啦」
 「唔知呀!!!」