為了實現媽媽遺願，我成為了女校男生: 一對的草泥馬公仔

返到班房，Jessie同Karen(雪晴)已經準備好食飯嘅地方
 
「喂!妳唔幫男班長準備架?」
 
「我…點知佢係唔係同我地一齊食喎」
 
「冇所謂啦，唔好整亂其他同學張檯嘛，我返埋自己位食就可以」
 
我邊食飯邊睇小說
 




「姐夫，你唔同家姐一齊食飯呀?」
 
「冇位丫嘛，自己一個食都唔錯呀」
 
「咦?你個筆袋同家姐一樣有隻草泥馬嘅?」
 
雪晴見到我筆袋上嘅草泥馬公仔
 
「草泥馬?哦!呢隻呀?」
 




「係呀!」
 
「佢應該係一對架，小學畢業果日我將女仔粉紅色果隻送左俾一個我好鍾意嘅女仔」
 
我講完呢句之後，Jessie好快轉身望住我
 
「嘩!Jessie妳唔洗咁緊張呀?」Ivana都俾Jessie呢個動作嚇一嚇
 
「咁你同佢拍緊拖呀?」雪晴好奇咁問
 




「唔係呀，我同佢冇聯絡啦」
 
「咁你仲鍾意唔意人地呀?」
 
「喂!!咪再問人地d私隱啦」
 
「話冇就呃妳啦雪晴妹妹」
 
其實果個女仔仲一直係我心中…等陣，呢個F.2小妹妹叫林雪晴?佢家姐叫林雪凝，大個妹4年，莫非佢兩姊妹就係…
 
呢個時候我先望清楚Jessie，佢開始似我識嘅人，似果個女仔…
 
就係我地各自食完飯之後，雪晴突然間企起身指住我大叫...