為了實現媽媽遺願，我成為了女校男生: 熟口熟面?

雪晴佢仲係F.2，剛先開始發育，所以佢足足矮過阿風超過一個頭，而雪晴一轉身望住佢果下塊面都立即紅哂，因為當時阿風係對住雪晴微笑
 
「你…你好呀，我係林雪凝個妹，我叫…」
 
「我知妳叫林雪晴」佢咁講法，雪晴d同學顯得好羨慕
 
「估唔到我真係咁出名喎」
 
「妳外邊d同學不停講緊妳同妳家姐啦」
 


「係呀!我家姐想要你電話呀!可唔可以俾你電話號碼我呀? 」
 
「俾妳定俾妳家姐先?」
 
「都冇分別架啦!不過我會俾埋Ivana姐姐架喎」
 
「冇問題呀」
 
「喂!!!呀…唔好意思….我個妹亂咁講野」
 


「唔係丫…佢幾可愛呀，我都想有個咁靚咁得意嘅妹妹呀」
 
雪晴聽到之後非常開心，但當佢望清楚阿風之後，個腦又不停咁轉
 
「姐夫你好熟口面喎」
 
「喂!!!唔好亂講野啦!!!對唔住呀，我地走先啦…聽日見啦!!」
 
「唔係呢……我真係好似唔知邊到見過姐夫」
 我雙手將佢地兩個好快咁帶出學校，而當時，我塊面係已經好似章魚咁紅