為了實現媽媽遺願，我成為了女校男生: 眼皮跳的早晨
今日一起身，就開始覺得有少少唔對路感覺，左邊眼皮不停咁跳
老一輩話眼皮跳，左吉右兇，或者F.6第一日開學會遇上咩好事
「家姐!起身啦!幫我扎辮呀! 」
我妹妹雪晴，係一個好活潑係F.2小妹妹，又乖又聽話
「呀!」仲係床上懶床嘅我抵受唔住妹妹重量而要起身準備返學
「妳又要我幫妳扎辮?F.2啦喎，應該要自己學下獨立」
「我仲係一個小妹妹，點似家姐妳，係學校出名冰山美人，不少友校男仔拜倒妳石榴裙下，仲有呀，麻花辮咁麻煩，普通孖辮咪算囉」
「邊個話妳知呢D無聊野呀!!!」我最鍾意就係搣個妹塊臉
「咪Ivana姐姐囉」阿妹不甘示弱向我反擊
「不過家姐，雙麻花辮同孖辮都好襯妳，由小學開始妳就靠呢樣野迷倒唔少男仔」
「邊係呀!!妳記錯啦」
「妳小學Last day同我返屋企時，咪俾人表白左囉…仲…啜啜埋添」
「夠啦!!!妳只係識記呢d野咋?」
「佢係咪我姐夫者?妳書檯呢…仲有佢同妳張合照喎」
「唔知呀八妹!!」