為了實現媽媽遺願，我成為了女校男生: 6B班課室
「8A……」係我面前有校長、副校長、同班主任
「監護人係…」
「我係佢家姐」姐姐已經搶先一步答左
「父母…」
「雙亡，近幾年都係我地兩姊弟相依為命」
校方人員不禁嘆氣
「會唔會太辛苦?學校可以幫你地屋企分擔」
「麻煩校長好好照顧我細佬…佢…係我唯一親人」
「第一聯絡人竟然係……」
「起立!」「Good morning Miss Wong! 」
「首先恭喜每位同學過左會考一個難關，但係大家唔好自滿，大家面前仲有A Level一關要過，記住唔好鬆懈，知道未?」
「知道!!」
“尼姑庵不愧係尼姑庵，連講句野都正經過人”
「今年我地學校，妳地班會比較特別…」
當班主任講緊呢句說話，向全班解釋時，已經有唔少孖辮妹，係唔同樓層將目光放係我身上
「各位同學，我地學校今年會有一位好特別嘅學生，佢係學校近20多年以來，第一位男同學。」
「下?點解會收男仔?」
「咁我地上堂咪要好乖好靜?」
「以後咪要著p褲上堂?」
班中女仔似乎緊張自己冇得好似以前咁樣變態地上堂多過有男仔係到
「同學嘅私隱我唔太方便同大家透露，如果大家想知道，就私下問佢」
「知道!」
「妳地記住唔好集體蝦佢呀」
「知道!」
Miss Wong，妳太年輕了，女人講嘅野可以信的嗎? 多年黎我受左唔少家姐嘅苦頭，多到可以寫成一本字典咁厚嘅書
Miss Wong揮一揮手叫我進入班房，「佢就係我地班嘅男同學，Anthony程逸風」
「好高…」
「麻煩你坐窗邊最後果個位丫」
「知道」
正當我行過其中一個女同學身邊時，發現佢以呆呆嘅眼光望住我