為了實現媽媽遺願，我成為了女校男生: 冰山美人

返到校門，我地兩姊妹各自返自己班房
 
「喂!早晨!」一把熟悉嘅聲音係我身後出現，就係佢亂講野俾我妹妹知，我F.1開始嘅好朋友，Ivana
 
「妳呀!做咩亂講野俾我個妹知呀!」
 
「講咩呀?」
 
「妳話我有人追喎」
 




「哦~呢d事實，怕咩俾個妹知呢?妳每次Joint school function呀之類都大把男仔圍住妳架啦」
 
「妳唔覺得俾咁多男仔圍住好煩架咩?」
 
「妳係女神，點同呢?妳俾人圍係正常」
 
「不如對調，妳俾人試下圍丫」
 
「咁抗拒，係咪仲掛住小學搶走妳初吻果個男同學呀?」
 




「我想殺左佢添呀!!無啦啦就…」提返起小學初吻事件，我會不自覺地面紅
 
「妳睇妳，又面紅啦」
 
「咁妳就咪提啦!」
 
「估唔到我地嘅冰山美人都會有怕羞面紅嘅一日」