高富帥轉校生睇中我？！: 二爭一

旅行後幾日又到返正常上課日。




「君子坦蕩蕩，小人長戚戚......」長氣燕一如既往地用毫無抑揚頓挫嘅語氣教書，啲同學亦都一如既往地唔聽佢講書，一係玩手機，一係扒喺度瞓覺。不過對佢地嚟講都冇咩影響，佢地放學去名師度補習嘅學習效果一定好過長氣燕十倍。至於我，冇得補習就梗係留心聽書。



我睄左眼比顧曉峰隔住嘅歐諾宏，見到佢好留心咁聽緊書。而坐我隔離嘅顧曉峰咁啱見到我望歐諾宏，將個頭向前傾斜，擋全我望向歐諾宏嘅視線，望住我講:「望我啦，我靚仔過顧曉峰。」




「專心上堂啦。」我避開佢嘅視線。
「你咪又係一樣唔專心~」佢奸奸地咁笑住同我講:
「一陣同我食lunch。」
真係有病，我都廢事睬佢。
「上左兩堂中文終於打鐘，我執完嘢返埋位，點知顧曉峰一嘢扯住我右手拉住我走。
「喂！喂！你要拉我去邊？！」我一路掙扎，一路鬧住問佢。
「食飯囉，你應承左。」
「我幾時應承過？！」
「你頭先冇應我，即係你默應左啦。」
「你都打橫嚟講，放開我！」







呢個時候，我隻左手比人喺後面拉住左。
「唔好強人所難啦，人地話唔想食呀。」歐諾宏一路捉住我隻左手，一路睥實顧曉峰講。
顧曉峰又向前扯左我隻手一下:「又關你咩事呀宏哥？我同我中意嘅女仔食lunch又得罪你？！」
隔離食花生嘅同學聽到，即刻同隔離嗰啲竊竊私語:「wtf顧曉峰中意吳雪晴？！」「佢啲taste幾時變到咁差？！」「佢認真咩？！」







歐諾宏又向後扯左我一下，搞到我對手比人越扯越闊:「人地中意你咩吓？一廂情願！」




老友就係老友，張欣欣見到搞到咁姜，即刻過嚟幫我喺佢兩個手中攞返對手講:「一人出少句聲，雪晴今日約左我食嘢，你兩個自己食啦，拜拜！」於是翹住我隻手急急腳行走左。



出到去學校外面，張欣欣即刻問我:「喂，佢地兩個係咪即係爭緊你？」
「我都唔知。」我誠實咁答佢。「顧曉峰應該只係玩緊我姐。」
「咁歐諾宏呢？佢真係中意你？」
「Um…我唔肯定，不過應該......」
「應該咩！？」
「係掛。」




張欣欣又興奮到捉住我隻手亂跳:「Oh my goshhhhhh！咁你呢？你中唔中意佢！？」
「我......中意嘅......不過我仲未完全肯定佢係中意我，始終我唔知我邊一忽吸引到佢......」
「嘻嘻唔通......佢睇中你個胸大？」張欣欣望全我個胸，笑淫淫咁講。
「你去死啦！」我追住佢打，佢一路奸笑一路逃走。



//（另一邊廂嘅歐諾宏同顧曉峰）


歐諾宏扯住顧曉峰隻手入左男廁，怒火中燒咁捉住佢嘅衣領鬧:「你究竟想對雪晴點？？你玩夠佢未？？唔妥我嘅就對付我，點解要揀雪晴落手？？」
顧曉峰冷笑左一聲講:「起初我溝佢嘅目的係搶走你中意嘅人，不過溝溝吓發現佢同我平時玩開嘅女仔唔同，佢有份好獨特嘅魅力，搞到我溝溝吓動左真情。我同你講，我已經下定決心要溝到佢，你識做嘅就自己彈開。」
「究竟點解你咁憎我？我同你明明無怨無仇！」
「冇呀，就係睇你唔順眼，你嚟左之後搶晒我鏡喎，我唔習慣有人比我更受歡迎。」顧曉峰托住歐諾宏下巴，充滿挑釁性咁講。







「我同你講，佢好快會屬於我，要彈開嗰個係你，你死左條心啦。」歐諾宏放開左顧曉峰，凶神惡煞咁講完呢句就走左出男廁。