高富帥轉校生睇中我？！: 消失中的抵抗力

歐諾宏同林展博、胡樂天一隊，事先聲明，嗰兩隻嘢運動屎到一個點，成個女人咁。而另外一隊就有我地學校其中一個最受歡迎嘅校草－－－－顧曉峰，運動方面無人能及，年年陸運會蟬聯全場mvp，亦係籃球隊主將。雖然佢真係好靚仔，但係啲同學對慣左就已經冇咩新鮮感，歐諾宏嘅嚟臨令佢地有重新可以J嘅對象。



球賽正式開始，我同張欣欣都加入左班圍觀嘅女仔食吓花生。歐諾宏同顧曉峰企喺中圈，預備拍球。「咇！」吹雞聲響起，佢地兩個用力跳起，歐諾宏憑全比顧曉峰高少少嘅優勢，搶先將個波拍左去對面場，個波落左入林展博手上，可惜佢拍左兩嘢就已經比對面隊搶左個波，個波落左入顧曉峰手上，當佢帶住個波跳起，預備投籃嗰陣，歐諾宏喺佢前面伸手跳起，拍走左個波，完美防守。個個女仔見到都「哇！歐諾宏好型！」「點解佢打籃球都咁叻架？！」歡呼聲此起彼落，而我見到顧曉峰個樣好唔啹。截左顧曉峰糊之後，歐諾宏好快咁帶波跑到去對面籃板，一躍而起，用手將籃球放入籃框入樽，將自己成個人吊全左喺個籃到，十足十電視劇嗰啲男主角咁，真係幾型。



驚人嘅跑速加上彈跳力，令我望到目瞪口呆。「喂，喂，吳雪晴！」張欣欣嗌左幾聲，我先即刻回過神。「你覺唔覺歐諾宏好型？你真係執到啦今次！！！」張欣欣一路捉住我隻手講。
「咪亂講嘢啦，佢都唔係中意我，呢啲人對個個女仔都係咁㗎啦。」







就係咁，我地成班女仔好似花痴咁，企定定喺度睇左半個鐘球賽，而喺歐諾宏神carry底下，佢地嗰隊以40比15分大勝顧曉峰嗰隊。完左之後，陳詩婷同楊麗雅即刻發動攻勢，一個人攞住寶礦力，一個人攞住毛巾行去歐諾宏到。「辛苦晒你啦，天氣咁熱都打得咁好！！」「快啲抹吓汗啦！而家10月熱辣辣，小心中暑呀！」我望住佢地咁，莫名其妙咁覺得有啲不爽。



點知當我望住佢地嗰陣，歐諾宏周圍望，唔知搵緊啲咩，望到我嗰陣，視線定左喺我身上，於是佢同身邊嘅陳詩婷同楊麗雅講左聲多謝，就攞住手上嘅寶礦力同毛巾行過嚟我呢邊。我個心突然間跳得好快，不斷同自己講:「吳雪晴你咩事，鎮定啲好唔好！」「冷靜，冷靜！！！」終於，佢行左嚟我前面，用好charm嘅微笑對我講:「點呀懵丙，我頭先表現成點？」想聽我讚姐，自戀怪。我頭dupdup咁講:「ok啦。」我以為佢會行開啦，點知佢冇，仲用手上面嘅毛巾幫我抹汗:「睇吓你，熱到出晒汗啦，唔抹會攝親㗎，咁大個人都唔識照顧自己，懵丙。」







點解佢會對我咁好？唔通佢想溝我？無可能無可能！我又冇陳詩婷同楊麗雅咁靚女，身材又唔係話好好，佢點會睇中我？ff咁多嘅話最後只會自己失望。我諗住攞開歐諾宏隻手，但係望住陳詩婷同楊麗雅心有不甘嗰個樣，我有啲得戚嘅感覺，好想繼續咁樣落去。



就喺呢個時候，腹肌強喺後面嗌:「歐諾宏！」
歐諾宏放低左隻手，擰轉問:「咩事？」
「我見你打波打得唔錯，有冇興趣加入籃球隊？」
「好呀。」
「咁預你㗎啦！逢星期二四放學練波，準時到。」








就係咁，歐諾宏入左籃球隊，同顧曉峰做左隊友。個個都好好奇佢地會擦出啲咩火花。

/

話咁快，歐諾宏就嚟左一個禮拜。今日班主任堂，屙屎玲神色壯重咁講:「各位同學，話咁快仲有兩個星期就測驗，今次我地A班可唔可以繼續保持全級平均分最高，就睇你地啦。」同學聽到要測驗，全班即刻喺度唉聲嘆氣。



歐諾宏從後面伸個頭埋嚟問我:「喂懵丙，你啲成績係咪仲好似一年班嗰陣咁勁？」
我未答佢，隔離嘅張欣欣已經趕全搶答:「雪晴係學霸，次次都考第一，無人能及！」
「咁勁？咁可能你今次要試吓考第二啦～」歐諾宏一路講，一路對全我奸笑。




我用少少輕浮嘅語氣答佢:「睇吓點～」



放學嗰陣，當我抄緊黑板上面嘅功課list，歐諾宏行左嚟我前面，坐上我張枱，擋住左我嘅視線。
「行開啦，我睇唔到。」我一路推開佢，一路伸個頭出去睇功課list。



「同唔同我溫書？」