無錯，其實呢個係一個追女仔的故事: 3. 外公有留言

屋企天台、水缸頂。
企咗2個人, 阿姨、毒男。
花雪、張子仁。
「細佬, 你睇住喇, 魔法係咁用。」
阿姨伸出左手, 指住開咗蓋既水缸。
「樹」
水缸入面既水升起, 變成1條水柱, 再結冰, 冰頂散開, 變成1棵冰樹。
阿姨用右手抹一抹額頭, 再轉頭向住毒男講：
「嗱, 魔法就係咁用。明未？」
毒男搖搖頭完全唔明。




阿姨拉住毒男隻手，講：
「返落去再講」就帶住毒男慢慢飄返到天台。
「都係唔講喇, 你自己睇啦」
毒男突然見到外公出現。
「唉，乖孫, 估唔到你都係搵唔到女朋友。
魔法呢個能力, 其實我係…唔識既, 因為係你婆婆果邊血統, 亦即係由女家傳落黎。
可惜你婆婆同你阿媽都死得早, 所以你想問, 都只能夠問你舅父同姨姨。
好似你舅父都係靠住魔法識到你舅母, 你自己問啦。
如果我仲係度, 你掛住我都可以打電話俾我。」
突然外公又消失, 我剛剛落到地。




「即係點呀？」毒男不臉唔明。
「即係, 只要你諗到, 想像到, 用魔法都可以實行返出黎。」
「唔係, 我問外公點呀？」
「吓？差唔多夠鐘訓咗掛, 你聽朝先搵佢啦！」
毒男心諗, 原來外公仲係度, 正話咁見仲以為係遺言添。
「都好, 乜外公講嘢咁後生既, 同我印象唔係好似。」
「是但啦, 我記得...係咁上下掛？」
毒男心諗：「吓？原來唔係外公留言, 而係阿姨既記憶。」
但係毒男即刻發現, 只要想像到, 用魔法係咩都可以發生。
「係咪只要想像到就可以做到？」




「大概啦, 不過你初學, 你當自己得果1LV, 唔好諗住做D大件嘢。」
「咁雪姐你幫下手囉喎！」
毒男邊講, 邊升起咗, 仲要飛咗出街, 亂咁飛, 唔受控。
阿姨心諗「死」跑住跳出天台, 左手一伸, 掃把就飛咗上黎, 同阿姨一齊飛去追毒男。
 
後卷。
阿姨喘住氣, 仍然拉唔到成身垃圾既毒男起身。
毒男自己fing開D垃圾, 爬起身。
「雪姐, 好在你係度, 我仲以為死硬。」
「如果你未斷氣, 我估都仲救到。」+
毒男心諗「阿姨連醫療魔法都識？」
「練咗2年, 差唔多啦, 你舅父仲熟手。
逐步黎啦, 姨甥仔。」
 
眨下眼又星期五。




今日補習社輪到我負責接學生, 然後同樂兒一齊上堂。
落咗堂仲要幫樂兒補習, 因為樂兒想學多D英文。
我英文有星, 用黎補習綽綽有餘, 當然係免費。
相對地, 樂兒要repeat一次DSE都係因為第一次英文2咗。
佢本來想讀建築, 但英文一直都讀唔好, 結果退而求其次揀咗有關連的土木工程。
結果上年common year的功課英文都難到佢。
不過當然難唔到毒男呢D Engine仔, 順利幫到樂兒GPA過3。
去到year 2, 分咗科, 毒男的功用當然大減, 不過樂兒落咗2年苦功學英文, 又有毒男一齊解題, 努力之下必有回報。
不過, 只限於係補習社的範圍。
因為, 毒男始終係毒男。
不過, 毒男終於有改變,
因為, 毒男變咗做魔法師。
毒男打咗一個電話,
無錯, 就係舅父。
而舅父既秘訣只有一句：




「溝女啫, 最緊要膽大心細面板厚。
你仲要有魔法, 想要咩surprise 都得啦！外甥仔」
好！今日開始, 就試下surprise。