【二月廿九番外篇】《沒有穿越的平行時空》: 第三十六章 定然 (大結局)
第三十六章 定然
0時0分之時，Yeesa再次合十祈禱。張開眼後，她望著家聰和Ryan。
Ryan︰「Yeesa，你係咪番咗嚟喇？」
Yeesa︰「冇，仲係我。」
家聰和Ryan顯得異常失望。這次不成功，他們不知何年何日才能再實行到時空轉移。莫非真的要多等一年？
Yeesa︰「咁，聽晚再嚟過啦，我哋一日仲喺札幌，一日都可以再試。」
他們深知總不能長時間待在札幌，辰叔遲早會康復，總有一日要返回香港，到時成功做到時空轉移的機會便會大減。
在接下來的數天，辰叔的情況開始穩定，可以慢慢地說話，在設備的協助之下可以走到數步，只要維生指數一直維持在穩定水平，便可出院，並可乘搭飛機返回香港。
※※※※※※※※※※
某天，家聰想嘗試於中午時份到神社，於是他和Yeesa二人前往神社，Ryan則留在醫院照顧辰叔。辰叔覺得他們有些古怪，便開口問Ryan發生何事。
Ryan︰「冇事發生呀。」
辰叔：「講……講真……話！」
Ryan︰「我哋嚟到札幌之後，係發生咗啲小事。我哋會攪得掂㗎喇！」
辰叔握著Ryan的手，不停地說：「我冇事，講！」Ryan最終將實情和盤托出。
辰叔示意Ryan從他的袋裡取出筆記簿，並叫Ryan翻開第十頁。這是Yeesa母親墳墓的地址。
Ryan估到辰叔想他們試試在Yeesa母親的墳前進行合十動作，希望借助Yeesa母親的力量，幫他們達成心願。Ryan將地址whatsapp給家聰，叫他帶Yeesa去拜祭母親，看看事情會否有進展。家聰回覆會於今日稍後時間帶Yeesa去。
直到晚上，Ryan一直收不到家聰他們的回覆。當時辰叔已睡著，於是Ryan主動找他們，但仍聯絡不上。Ryan很擔心他們有事，不停打電話給他們，但他們沒有接聽。Ryan不想就這樣返回宿舍等他們消息，於是也去那個墳場，希望找到他們。
※※※※※※※※※※
Ryan到達墳場，發覺已關門。他越想越憂心，他們來到這裡之後便失去聯絡，不知會否有怪事發生。不過沒多久，Ryan便找到他們，但二人似乎正爭吵著。Ryan在遠處偷聽他們的對話內容。
家聰：「夠喇Yeesa，我仲以為你已經諗通晒，但你都係唔想走。」
Yeesa︰「我唔係唔想走，我知我唔可以自私，但我控制唔到我個心諗乜，我真係做唔到百分之一百唔留戀呢度，我做唔到。」
Ryan大概也估到他們再爭吵甚麼。家聰可能發現這個Yeesa在時空轉移的操作上有猶疑的地方，於是質問她，她亦坦承說出為何她會猶疑不決。
Ryan明白她的感受，口說放開，但很難做到心如止水的地步。可能這個Yeesa在她自己的時空許願時，是百分之百堅定去祈求家聰不要死，御守便帶她到這個家聰沒有死的時空。現在她不堅定地祈求返回原來的時空，御守便不能帶她走。
家聰：「我明白，有啲嘢係唔可以迫出嚟，但我覺得你未盡全力，有啲得過且過嘅感覺。」
Yeesa︰「我有咁嘅心情，都係因為你。我一走，就再見唔番你。」
家聰何嘗沒有設身處地從這個Yeesa的角度去想，只是他想法較理性，認為人終需一死，所有事情都要安然接受。傷心歸傷心，日子還是要過。
Ryan不想介入他們的對話，因為Ryan知道自己會心軟，看到這個Yeesa傷心欲絕的樣子，一定會叫這個Yeesa慢慢再嘗試時空轉移，變相增加事情的變數。
家聰：「唔知你嘅時空嗰個我，有冇同你講過。人生就係要不斷作出選擇，有時候代價會比較重，但可以換取嘅價值亦都比較大。嗰個時空嘅我，覺得佢嘅犧牲，可以換到你同Ryan唔使死，佢覺得換取嘅價值係大，佢就會咁做。」
Yeesa沒有回應。
家聰續說：「嗰個時空嘅我，並唔想個結局係咁。佢可能只係想你好好咁生活落去，並唔係要令時空造成混亂，咁樣只係會無止境咁傷害緊唔同時空嘅人。Yeesa，你明唔明白？」
Yeesa嘆了口氣，說：「係，我明白。我會好好咁準備今晚十二點嘅事。」
Yeesa似是接受了家聰的勸告，全心全意去預備時空轉移的事。
家聰：「Ryan搵咗我哋好耐，我打番俾佢先。」
Ryan︰「我喺度。」
Ryan走過去家聰和Yeesa那處。
Ryan︰「距離十二點仲有時間，不如去食啲嘢先啦！」
※※※※※※※※※※
這頓晚餐，家聰和Ryan盡量想Yeesa開心地渡過，不想她有遺憾，一直保持著開心的氣氛。當然，返回墳場後，被這裡陰森的氣氛影響，心情又變回沉重。
時間接近十二時，他們偷偷走入Yeesa母親的墳前，靜待著十二時的來臨。家聰看見Yeesa的眼神仍有迷茫的感覺，於是從口袋裡拿出一張卡紙，遞給Yeesa。
家聰：「送俾你！」
Yeesa看到這是家聰畫的人像，當然是她的人像，而且比之前那次畫得更好。
家聰：「我唔知呢幅畫可唔可以跟埋你番去你嘅時空，但你相信我，你唔需要完全忘記我，你心裡面有我，我心裡面都會有你。我喺呢一個平行時空，會生活得好好，會好快樂，你都要喺嗰邊好好生活落去。」
Yeesa感觸落淚，與家聰緊緊的擁抱著。
時間再次倒數，23:56,57,58,59，Yeesa再次合十，雙手夾著家聰送給她的畫像。
……0:00……
※※※※※※※※※※
甚麼是宿命？
這世界發生的事，是偶然，還是定然？
抑或，偶然和必然，只是不同角度，不同時間點的看法？
※※※※※※※※※※
Yeesa張開雙眼，先望Ryan，再望家聰，流露出驚訝的模樣。家聰和Ryan發現Yeesa手上的卡紙不見了。
Yeesa︰「我係咪發緊夢呀？點解家聰會喺度？」
Ryan︰「Yeesa，你唔係發夢，你番返嚟我哋呢個時空！」
家聰：「你係咪去咗一個我死咗嘅平行宇宙？」
Yeesa︰「係呀！我仲以為我番唔到嚟！」
Yeesa立即緊抱著Ryan，眼淚不停地湧出來。
Yeesa︰「我唔想再受到呢啲折磨，點解過咗2月29號都仲會係咁？」
Ryan︰「係御守，你媽咪嘅御守。」
Yeesa從口袋裡拿出御守，御守隨即化成灰燼，隨風飄走。
家聰：「你媽咪一定係知你受咗好多苦，所以將御守帶走。」
Yeesa向母親墳墓叩頭，並對母親說：「你對我嘅愛，我今生今世都會感受到！」
Ryan︰「余家聰，多謝你！係你將Yeesa帶番返嚟我哋呢個時空。」
Ryan知道，家聰很努力將不屬於這裡的Yeesa送走，並迎來原本的Yeesa，一個選擇了自己的Yeesa。家聰的情操使Ryan折服。
一切是否回復正常？至少，在這個時空和這個時間點，是。
※※※※※※※※※※
Yeesa和Ryan返回他們定情的地方「紅磚廳舍」，坐在同一張椅子上。他們並不懼怕，因為御守已消失，一切已成定局。他們談起這星期所發生的事。
Yeesa︰「嗰個時空嘅家聰，佢有可能為咗救嚟自未來嘅我而死！」
Ryan︰「係咪喺交通意外現場出現嗰個你？」
Yeesa︰「係！嗰個時空嘅我穿越過三次，但竟然有第五個我喺2月29號嘅札幌出現。我哋覺得係經歷過你死嘅嗰個時空，嗰個Yeesa再次穿越返去2月29號，想犧牲自己去救返你，但被家聰阻止，最後變咗家聰死。」
Ryan︰「咁又會衍生多一個平行宇宙。不過，我唔想再理呢啲嘢喇，仲有多一個平行宇宙又好，多一百個平行宇宙又好，喺呢一刻，我淨係想同呢一個你喺埋一齊，唔好再有其他阻礙。」
Yeesa︰「我都係。」
二人又再緊緊的擁抱著。
Yeesa︰「第一句係『認識你是我今生的榮幸』，第二句係『原諒我當日的魯莽』，第三句係『希望在所有的平行宇宙，我和你都是一對』，咁第四句又係咩呀？」
Ryan︰「嚇死我咩，突然間講番我以前啲肉麻嘢！」
Yeesa︰「我鍾意肉麻嘢嘛！」
Ryan︰「你唔係話冇咗2018年生日嗰個蛋糕嘅咩，應該冇咗第一塊㗎喎！」
Yeesa︰「我穿越去攞番個蛋糕吖嘛！」
Ryan︰「第四句係『唔好再提穿越兩個字』！」
Yeesa︰「唔玩喇，認真啦！」
Ryan︰「我依家嘅心情，只係諗到呢一句，
『我們永遠不再分開，好嗎？』」
＜完＞