【二月廿九番外篇】《沒有穿越的平行時空》: 第三十四章 時空轉移
第三十四章 時空轉移
Yeesa︰「Ryan，點解我哋會嚟咗呢度嘅，呢度係咩地方？」
Ryan︰「Yeesa，你講咩呀？」
Yeesa︰「我哋頭先明明喺醫院㗎。唔通我又穿越？」
Ryan︰「你講咩呀？唔好嚇我，你講咩穿越呀？」
Yeesa︰「依家係幾年幾月幾號呀？」
Ryan︰「咪就係2020年3月1號凌晨12點囉，頭先啱啱先過咗2月29號。」
Ryan開始焦急，因他覺得Yeesa的反應太奇怪，以及他聽到「穿越」兩個字，一個從來都沒有出現在這個時空的事情。
Yeesa︰「時間上冇穿越到喎，但我頭先明明喺醫院嘅病床上面，你喺病床隔離陪住我。但一到十二點，我合埋雙眼，開眼之後就嚟咗呢度，同之前嘅穿越好相似。」
Ryan︰「Yeesa，你話你之前試過穿越？唔係閃影？」
Yeesa︰「閃影？閃影係咩嚟㗎？」
Ryan從來都沒想過，他們避開了意外，但避不開時空交錯。
Ryan︰「死喇，原本嗰個Yeesa究竟去咗邊？」
Yeesa︰「究竟你講緊啲乜？呢度究竟係邊度？」
Ryan雖然心情很複雜，也很擔心這個時空的Yeesa究竟去了哪裡，但眼前這個的而且確是Yeesa，只不過被來自第二個時空的Yeesa的靈魂所佔據。Ryan知道自己要冷靜，想想辦法。
Yeesa︰「Ryan？」
Ryan︰「Yeesa，我想同你講，你嚟咗另一個時空，但我想先確定一樣嘢。你之前係咪試過，由2017年、2018年同2019年嘅香港，穿越去2020年嘅北海道？」
Yeesa︰「係呀！莫非依家呢度，真係唔係我過往身處嘅時空？」
Ryan︰「唉，點解會咁㗎，明明已經過咗2月29號，都仲係有怪事發生。我哋依家去搵余家聰，睇吓佢有咩講。」
Yeesa︰「家聰冇死到？」
Ryan︰「余家聰頭先俾貨車撞傷咗膊頭，入咗醫院，冇生命危險。」
Yeesa︰「家聰佢冇死到，佢冇死到，實在太好喇！依家呢個時空，你同家聰都冇死，睇嚟我真係願望成真！我哋依家去醫院睇家聰啦好唔好！」
Ryan和這個Yeesa，搭的士前往札幌中央醫院。
※※※※※※※※※※
剛剛的交通意外，家聰受了傷，但不及心傷。眼見Yeesa對Ryan真情流露，心裡很不是味兒，但家聰還是真心希望Yeesa開心，希望她得到幸福，真心祝福他們。
Ryan和Yeesa抵達醫院，很快在急症室找到家聰。Yeesa一見到家聰，立刻撲過去攬著他。家聰一臉疑惑地望著Ryan，Ryan以無奈的表情回應。
Yeesa︰「你真係冇死到！」
家聰：「Yeesa你……係咪有啲咩唔妥？」
Ryan︰「余家聰，件事有啲複雜，我慢慢同你講。」
Ryan將十二時之後所發生的事，以及他自己的想法，一一向家聰道出。
家聰：「係，你講得啱。依家附喺Yeesa呢個靈魂，係嚟自另一個時空嘅Yeesa，可能係我哋一直觀察到嘅平行宇宙，又或者係第三個平行宇宙。」
家聰將之前他們觀察到那個平行宇宙的穿越事件，一一講出。
Yeesa︰「係呀，完全正確。你哋又話呢個時空係另一個平行宇宙，但點解你又會知道我嗰個時空所發生嘅穿越？」
家聰：「呢樣嘢我遲啲再解釋俾你聽。Yeesa，你可唔可以詳細講一次，喺你哋嗰個平行宇宙，2月29日全日所發生嘅所有事俾我聽？」
Yeesa︰「好！」
這個是另一個平行宇宙的Yeesa在2020年2月29日的經歷 (即電視劇主線故事其中一個衍生出來的平行宇宙)︰
「Yeesa早上在香港收到札幌中央醫院打來的長途電話，得知辰叔在札幌中風，她決定臨時搭飛機來札幌。她臨出發前收到身在札幌的Ryan電話，Ryan在昨晚0時0分救了2017年穿越來的Yeesa，現在正陪伴2017年的Yeesa，証明了該時空的穿越是真實存在。
Yeesa叫Ryan去札幌中央醫院看辰叔，之後再通知巴西龜她去札幌的事，就帶著御守，獨自乘飛機前往札幌，並在晚上七時到達。
當她到達札幌時，從Ryan IG得知他也有一條一模一樣的手帶，而Yeesa自己根本沒有帶自己的那條去札幌，証明交通意外死的人有可能是Ryan。Yeesa打電話給Ryan，叫他留在室內，並確認了他真的戴著手帶。
家聰打電話給Yeesa，叫她留在機場，Yeesa說出事的可能是Ryan，並說她一定要負責任，要阻止意外發生。Yeesa知道Ryan去壽司店阻止香川開車，於是她也去壽司店，並比Ryan更早到達。
香川看見Yeesa，立刻責怪她連累自己要賠錢 (2019年的Yeesa倒粉入其貨車油缸，令貨車受損)，混亂中Yeesa被推跌，撞得頭破血流。Ryan看見整個過程，但來不及阻止。
Yeesa朦朧間跟Ryan上了一架順風車，並趕往醫院。幸好，最終他們沒有遇到任何交通意外，順利到達醫院。Yeesa經治療後甦醒，Ryan陪伴在側。Ryan告訴Yeesa一個殘酷事實，家聰為阻止意外發生，不惜犧牲自己，不幸被香川的貨車撞死。Yeesa傷心欲絕。
後來，Ryan跟Yeesa說起，在私家車駛近一個十字路口之時，他望到遠處的交通意外現場，除了有受傷的家聰之外，也看見一個類似Yeesa的女子，但由於距離太遠，Ryan看不清楚。
Yeesa在凌晨十二時的時候合十許願，希望家聰不要死。當她張開眼後，就穿越來到這個時空。」
家聰：「唔……關鍵係嗰個好似Yeesa嘅女仔。我敢肯定，嗰個一定係Yeesa，但我唔知係邊個時空、邊段時間嘅Yeesa。而呢個Yeesa，有機會係你2017年第一次穿越時嘅23:59見到嗰個，呢個一直都係疑團。」
Yeesa︰「有機會呀，究竟嗰個係邊個嘅我？」
Ryan︰「就係呢個Yeesa，改變咗你嗰個時空嘅你同我都唔使死！但冇理由嗰個Yeesa一出現，就由我死變咗做余家聰死。」
很多事情都充滿著疑團，他們三人一時三刻未能解釋得到。
Ryan︰「依家唔係研究第二個平行宇宙嘅時候，最重要係要搵番我哋嗰個Yeesa！」
家聰：「係。Yeesa，你身上有冇御守？」
Yeesa︰「有。」
Yeesa將御守拿出來。
家聰：「又係呢個御守作怪。喺你嗰個平行宇宙，御守觸發咗你嗰個時空嘅線性穿越，而喺我哋呢度，御守觸發咗佢出現閃影，睇到你穿越時嘅影像。直到啱啱嘅12點鐘，你喺有御守跟身嘅情況下合十祈禱，觸發咗你喺唔同平行宇宙嘅時空轉移。我相信我哋嘅Yeesa都有帶御守嚟札幌，促成今次嘅穿越。」
Ryan︰「咁係咪身份嘅互換？定係我哋嘅Yeesa俾呢個Yeesa佔據咗肉身，但靈魂其實仲喺度，只不過俾呢個Yeesa做咗主導？」
家聰：「兩樣嘢都有可能，但後者居多，因為我哋嘅Yeesa根本冇做到合十祈禱嘅動作，而我哋嘅Yeesa亦都冇想改變過去嘅意念。」
Ryan憂心忡忡地望著Yeesa，Yeesa也望著Ryan。Ryan不知道屬於這個時空的Yeesa，是否也同時望著他，但表達不到。
Ryan︰「Yeesa，如果你係喺度，你出句聲啦，我好掛住你呀！」
Yeesa︰「Ryan，喺你哋呢個時空，你係咪我男朋友？」
Ryan︰「你啱啱應承咗我，只要我哋過到12點都冇死，我哋就喺埋一齊。」
Yeesa沒有說話。她一時望著Ryan，一時望向家聰，覺得他們雖是熟識的人，但感覺陌生。
此時，護士過來跟家聰說要照X光，家聰便跟隨護士離開。現場只剩下Yeesa和Ryan二人。
二人剛才明明還很親密，但現在就像兩個互不相識的人。
Ryan︰「Yeesa，你係咪覺得呢個時空好好，我、你同余家聰都冇死到？」
Yeesa︰「係！頭先喺我昏迷嘅時候，我發咗個夢，夢到我番返我出世嘅神社，聽到巫女嘅說話。」
『在無盡的平行時空之中，有一個不變的定律，在所有關係當中，總得有人犧牲，去成全另一個人。在不斷前行的人生裡，都是由無數的犧牲、成全，交錯累積而來的。』
Yeesa︰「我哋好似命中注定咁，總係有人要犧牲。依家好難得我嚟到呢個我哋三個都唔使死嘅平行宇宙，如果有得俾我揀，我唔想番去。」