【甜/真人真事】我是他的常餐情人: 七十二

第七十二章
我開始對同Keith呢個小朋友玩曖昧遊戲失去興趣，或者係越係壓制自己潛意識就越想要，我居然夢見佢當初錫完我又冷落我嘅過去，其實由此至終我都唔知佢想點，點解當初佢會呷醋，又點解要錫我。

一直心不在焉咁捱完個上晝，同Keith佢哋出去食完lunch，Sara佢哋兩個話去買零食順便拍陣拖，其實我知道係特登留個機會俾我同Keith，我地兩個有講有笑咁返到公司樓下撞到Issac，佢低頭望緊電話。

「大佬，開會開到而家？」Keith問佢，佢抬頭望到我哋兩個，輕輕地皺咗下眉。
「嗯，Martin個客好似搵佢，你一陣話佢知。」佢整一整衫袖瞥咗我一眼，我好似好耐都無正眼同佢對望，個種帶著淡淡嘅命令感嘅神態一如既往地吸引。
「ok啊，佢啱啱同我哋食完話買啲嘢應該好快返。」Keith答完，佢好似好滿意咁點咗下頭走咗。

我跟住Keith過咗佢地Dept果邊傾嘢，不過得我同Keith兩個就一邊打鬧一邊傾。諗返幾個月前好認真地係同一個位置傾嘢，好似朋友咁打鬧嘅係佢同我，有時候人一衝動就會毀壞想珍惜嘅嘢，就好似啱啱咁我想問一句都唔知用咩語氣身份先恰當。



「你稍等我一下先，我而家返緊位開返個file！」Issac係外面好急咁小跑返嚟，我望一望佢手上面咩都無應該都未嚟得切買嘢食，以佢嘅習性又會做做下唔記得食。我靜雞雞買完放係佢檯佢都唔多覺姐係咪？