【甜/真人真事】我是他的常餐情人: 七十三

第73章

我買完外賣，最後我決定拎俾martin叫佢俾lssac。係嘅，有時該斷嘅關係就唔應該唔忍心同唔捨得。

感情都會有衰退期，而我發現我呢件產品嘅生命周期比我想象得更加短，到底係因為保養得唔夠小心，定係原本個材料就係唔㩒用呢？

打開啱啱down咗幾日嘅交友app，玩咗幾日我已經發現呢啲地方好似Issac咁有女朋友仲出嚟搵激情嘅人比認真嘅人比例要多得多，哪怕你只係upload一個背影，寫個星座都會有人費盡心思咁搵話題同你傾計，跟住我又失去興趣了，人總係犯賤地只對遺憾念念不忘。

我又諗起我同Issac最後果幾次，我近乎懇求地望著佢，希望佢哪怕同我講一句說話都好嘅景像，同而家簡直係殘酷嘅對比。啲人會話女仔要玩嘅基本上唔洗成本，而我當時居然以為能夠同佢有過回憶就咁滿足。



「我地下個星期去邊度好？」Keith同我flirt咗一段時間就開始侵佔我放假嘅時間，我以前同Tony一齊嘅時候通常weekend都係同佢過，同佢啱啱分開咗我都自自然然搵佢同Anthony去填滿呢啲空閒，但係理所當然咁覺得我要同佢過嘅態度又令我覺得唔舒服。

「我個frd好似話想行街啊，我睇下佢嗰邊再覆實你啊~」我知道我咁樣都幾差，我既不拒絕又不接受。

「如果weekend我見你唔到我會掛住你架嘛~你唔會咁忍心掛~？」佢send個求歡emoji嚟。有人話眼濕濕樣個emoji係好意淫嘅表情，咁Keith成日send俾我到底係求愛定求歡呢？

以前嘅我一定覺得呢啲說話好sweet，但係我而家會覺得係伎倆，佢會唔會同app嘅人、同Issac一樣，只係因為未得到，所以先講呢啲好說話？

我不斷話俾自己知，小心謹慎，就唔會再行錯。