【甜/真人真事】我是他的常餐情人: 特別篇4

特別篇4
Keith又係路邊嘔吐大作，搞咗一大輪，我終於扯住佢同den上咗地鐵，其實我都飲得幾多下頂住頂住，Den笑笑口地問我洗唔洗送我，帶住酒後不顧一切同胡言亂語。

我唔知道佢係咪想有下半場，我亦未諗通呢樣嘢係咪適合，唔知係佢定係酒精遺下咗餘溫，呢種微醺令人迷惘。所以我同佢講屋企有人，無錯，今晚Annie會過我度，而我都要交人，其實我知可以用其他理由，但我同佢都應該要冷靜一下，所以我答佢屋企有人。

佢聽咗莞爾一笑，令我覺得佢啱啱又似乎係講笑，然後佢好自然咁拎出電話出嚟睇，反而令我有啲唔好意思，所以我又問咗下佢需唔需要我送，佢答我唔洗，需要嘅都會有人接佢，況且仲有個開始清醒返少少嘅Keith係度。

我地又返到普通不過嘅同事氣氛，車到站，然後我地就尷尬地道別。

翻到屋企，見到Annie已經訓咗，我有種宣洩不得嘅情慾，但我知搞醒女朋友佢一定會發脾氣，況且個腦裝住其他人同佢上床好似有啲唔應該。



我沖完涼上床，朦朦朧朧嘅女朋友抱住我錫咗我一啖又訓返，我好清楚就算係20年之後，呢個場景都會咁樣發生，身邊嘅人都係旁邊嘅佢。

所以我拎咗電話出嚟，同Den講咗句對唔住。