【甜/真人真事】我是他的常餐情人: 七十七

第77章
Issac成日以為我係一個好大需求嘅女人，覺得我應該係只要順眼就可以去街食飯，再發生啲咩都不足為奇，畢竟佢就係咁樣得到我嘅。
好諷刺嘅係我從來唔會無緣無故地渴望性，我要嘅只係體溫相碰嘅親密，而唔係肉體交纏嘅汗水，所以恰當嘅親密感我會更欲罷不能。

啊熙同我唇舌相交嘅感覺令我沉迷，比以前同佢一齊嘅時候又好似多咗種複雜。係佢嘅氣息包裹下我放軟身體向佢靠得更近，而佢抽出係我衫入面嘅手令我有點悵然若失，佢一手扣住我後腦，一手拉過我條腰令我更加貼緊佢，而我跨坐嘅動作亦都因為更加貼近，而雙腿打得更開，單薄嘅絲襪好似我同佢嘅理智一樣彷如無物，我不由自主地扭動，任由相交處擦擊出更多嘅火花。

「唔好亂郁..」佢低啞地講到，係我腰後嘅手施力按住我pat pat。

「咁你話我知你想點？」我望入佢隻眼，裡面有除咗慾望以外更多係道不明嘅複雜。



「你真係想我係度搞你咩？」佢係我唇邊喃喃地問，
我知道我要，佢一定會掂我。

我好鐘意同啊熙咁樣嘅親密，比起以前各自應付需要好似食飯咁，我覺得呢一刻更加令人心動，但我唔知道呢種衝動係唔係會連我最後嘅避風港都破壞埋，但係無疑呢一刻佢令我想要俾佢完完全全地擁抱。