【甜/真人真事】我是他的常餐情人: 七十四

第74章
星期五嘅夜晚我約咗啊熙出嚟，到而家其實我都無應承Keith嘅邀約，我好怕我又習慣咗一個人同我相處嘅pattern，更加怕我習慣咗以後我先發覺呢個人同我唔會有同一個習慣，只係因為新鮮。於是我搵啊熙，呢個至少一路都無走過嘅人。

「你話，有幾多女仔同我一樣比男人更唔想諗未來？」我哋抽住兩袋酒係屋企附近嘅公園坐低，

「你又唔係唔想，而係你冇遇過一個想同你有未來嘅人。」佢自顧自開咗罐啤酒飲。

「我又唔係無同你講過你個同事係fuck boy，係你覺得佢好溫柔姐，佢想食你你梗係溫柔架。」佢仰頭飲咗啖酒，又拎出火機點起煙。

「咁你話啊，我都已經講明唔需要佢負咩責，點解佢唔可以好來好去，好似以前咁同我相處。」我覺得我從來無奢望可以做Issac嘅邊個，但佢連做短暫嘅玩伴都無盡責。



「你估個個都係我？」啊熙轉頭深深地望入我對眼。未燃盡嘅煙就咁樣默默地燒住，係夜霧之間帶起一陣朦朧，然後佢將我按入佢懷內，我深吸一口氣，好似我同佢無數個以往一樣盡力放空，但係彼此心跳聲好似有點吵耳。

我唔可以問咩叫好似佢咁。

「咁你覺得點樣嘅關係先會長久啲？」我細細聲問。

「就係，唔好咁快搞嘢。」唔知係咪我將個頭埋係佢心口，佢把聲遙遠得好似有啲奄悶。

我估唔到player如佢，居然會咁答。



所以都係個句，得唔到就係最好，因為男仔對女仔喜愛嘅最高點就係未得到佢嘅前一秒。