【甜/真人真事】我是他的常餐情人: 七十一

第71章
有時候我會無端端進入一個所有人都唔想應付嘅狀態，然後阿熙會成為呢啲時候嘅唯一聽眾，可能因為佢見慣風月，Issac嘅心態佢好明白，係我自以為好Sweet嘅時段佢已經話佢其實無特別亦都唔值得我中個頭埋去，對於我主動離場，佢覺得老懷欣慰之餘，佢都成日叫我試下其他人，大不了衰咗再抱住佢喊喎，然後佢表示Keith呢種陽光高汁仔仔，應該係我人生嘅巔峰，所以試咗先算。

我話唔係喎我有啲怕佢認真，阿熙話呢個小朋友佢咪最多係認真地溝認真地玩，如果我現階段唔係要一個長遠嘅關係大可以試下。

說時遲那時快，又收到Keith小朋友嘅msg，佢send咗張抱住狗狗係心口嘅相俾我，曲起嘅手臂睇到佢嘅老鼠仔，其實我知道醉翁之意不在酒，但係我上次利用完佢俾過虛假嘅親密感人地，又點可以怪人地步步緊逼呢。

「好QQ啊~」我決定ignore佢啲肌肉，

「咁我可愛啲定fishball可愛啲？」佢真係好鐘意問二選一嘅問題，btw fishball係佢隻哥基。



「喂啊fishball好可愛~我可唔可以申請做佢女朋友！」我都真係幾鐘意佢隻狗狗~

「唔得啊，你唔可以要佢唔要我！」佢send咗個慘慘emoji過嚟。

又老老豆豆，佢呢種身材可口過Issac好多，假如大家都有玩遊戲嘅共識，咁係咪今次我會做得比上次要好呢？