【甜/真人真事】我是他的常餐情人: 特別篇2

特別篇2
（Issac視角）
喺我屋企附近撞到佢同Keith係一齊係個奇妙嘅體驗。

有人話男女關係就係狩獵同慾望嘅結合，我唔會將我同Den當做狩獵，我對佢有興趣時多少都對佢有啲好感，同樣佢都明顯地同我有同樣嘅感覺我先會出手，畢竟男人大咗就唔會做無把握嘅事。

上次飲完嘢，我知道佢當晚有可能去條仔度訓，我輕輕抱住佢錫咗額頭一啖，然後就送佢上車，我知道出多些少力，其實呢個有酒意嘅女仔會跟我走，不過唔急。

嗰日之後，我忙到一個星期加埋都唔知有無係公司停留超過5個鐘，講真有些少掛住個傻妹，或者係掛著佢好似隻貓仔咁係我身邊靜靜做嘢嘅感覺。



女朋友Annie係空姐，佢難得係香港嘅日子我理所當然地要交人，咁呢幾日只能冷落一下佢。女仔嘅心態好易理解，我幾日唔同佢私底下聯絡佢又應該會亂諗，飲酒永遠係最佳嘅藉口不負責任地做胡鬧嘅事，我更加多係想佢等待，渴求會令到最後採摘嘅果實更甘甜。

Martin佢地好鐘意去打邊爐，我路過聽到佢地叫埋我一齊去我就順勢話今日我買單，反正呢啲場合我又唔會同佢地坐埋一齊玩，我會寧願係屋企抱住女朋友睇片。

去到間舖同Anthony幾個老嘢坐埋一角吹水，佢地就係隔離枱傾到興高采烈，包括我條team個Keith。

Keith係外國讀書翻嚟，唔算係好靚仔不過陽光高大，我諗最有特色係佢笑果時會有隻爆牙，所以公司啲女仔覺得佢講嘢好笑又得得意意咁，都幾受女仔歡迎。

我以為Den同佢哋唔同，點知都係受Keith呢類，見佢哋談笑風生我居然有啲唔舒服，過咗一陣，又輪到Anthony走過去，佢仲誇張啲，我見佢搭住膊頭叫R人陪佢飲酒，如我所料哋Den飲咗幾杯，又開始面紅紅咁，真危險。



可能係見到Anthony啲動作太大，佢終於拉開佢去廁所，我都跟咗上去。

「你玩得好開心咁啵..」我向係女廁行出嚟嘅佢講，佢一望到係我眼神閃躲咗下，

「難得咁大推人食飯梗開心。」佢好見外咁講。

「我意思係俾人癡住，你好開心？你有男朋友啦唔應該咁。」我輕歎，我都係對佢放不下心，我唔可以俾咩佢，但我亦唔可以放任佢咁樣同人玩。

「好似唔關你事，冇嘢我翻出去先。」佢見我提起男朋友面容一冷，語氣好硬咁講。



「翻出去癡住Anthony？定Keith？」我將佢拉近我。

「咁點解唔嚟癡下我？」佢抬頭好不解咁望住我，我都唔想諗太多低頭錫咗佢，我知道，從此會一發不可收拾。