【甜/真人真事】我是他的常餐情人: 六十

第60章

記得有次睇過一條街訪嘅片，主持人問年輕女受訪者認識咗幾耐可以同一個人一齊，有人答半個月、有人答一個星期，我係唔同人身上見證過現代嘅關係有幾速食，女人一個接一個嘅阿熙、傳說中好受歡迎嘅Keith、巧舌如簧嘅 Anthony，佢地要得到一個人都極之容易，君子愛財取之有道，事實係佢地總會完結完一段再慢慢捕獵下一個獵物。

我唔能夠理解速食嘅感情，但又做緊啲比佢哋更過分嘅嘢，無視世俗嘅規條偷竊人哋嘅嘢，又唔愛惜自己擁有嘅。

我總係孜孜不倦地投入過多嘅感情係無果嘅事情上面，以美好嘅所謂愛嚟包裝，再見證速食嘅愛情點樣以光速消亡。

「點解自己一個人走咗嘅？」Issac嘅message係呢個時候響起，



「我地以後都唔好再私底下見啦好唔好。」係海風催發下，好似特別容易做決定，

「我地將個chat box del咗佢啦！」既然係再見應該乾乾淨淨，反正我同佢嘅公事都已經告一段落。

「但係我會唔捨得」佢真係一個好狡猾嘅人。

「但無論如何我地都翻唔到以前了。」我無視心底嘅波動同佢講。我同自己講，只不過係男朋友度分出嚟嘅喜愛，其實冇幾愛，係時間耐咗忘卻成本高咗，投入太多又得唔到回報嘅不甘。