【甜/真人真事】我是他的常餐情人: 三十八

38.

「你近排同你男神做咩？」某一日食晏Sara拉住我問。

「無野啊，以後都唔會有野。」我自暴自棄地答。

「唔怪得Martin話佢咁燥。」佢都係因為耐冇發泄所以先燥姐，況且佢又唔係冇女朋友。

Sara繼續吱吱渣渣講一啲同Martin既野，我突然之間諗，係我唔經唔覺嘅時候，我好似錯過咗除咗Isaac以外嘅好多嘢，以前因為眼中只有佢而錯過真心對過我好嘅人，亦都忽略咗呢堆真正可以帶俾我溫暖嘅人，我後知後覺而開心地發現Martin同Sara已經就嚟修成正果，總比起我只得到咗男神嘅性欲落得一片寂寥好，雖然佢口口聲聲話同我搞埋一齊係因為覺得我哋性格好夾，然而佢除咗身體嘅需求唔會識得欣賞我其他嘅有趣之處。我諗，都係時候做一個了斷。



「其實我真係想知你嬲我啲咩？」我打開Isaac最後一個Msg

「我俾最後一次機會你，同我上床，證明你仲有令我同你玩既興趣。」我係對話框來來回回打咗好多句，最後輸入呢句嘢，到時候我會同佢講我係真心喜歡過佢，又為佢點樣痛苦失望過。雖然咁嘅做法只會更令佢認為我係蕩婦。

「諗下仲有啲咩想係我身上玩，嗰日俾你命令我做任何嘢。」就俾我任性最後一次吧，最後留低一個念想同美好回憶。