【甜/真人真事】我是他的常餐情人: 三十九

三十九
我執意地要俾自己有個同佢完結嘅儀式，但佢顯然都只係會當成一次尋常不過嘅發洩。

反正佢恃住我對佢嘅好感，已經為所欲為無數次，我同佢約好weekend，然後不顧一切地過個夜，俾足夠既時間佢表現得最好。就算係假扮出嚟，佢肯呃我我就會繼續貪戀佢嘅溫柔，即使知道我係墜入更深嘅糖衣地獄。

好似翻到一開始曖昧嘅狀態咁，佢會問我需唔需要嚟接我，洗唔洗食啲野先一齊上房。我又覺得而家做呢啲野已經無意義，以前我好想有呢啲係因為我希望同佢相處多啲，唔單單係索取佢嘅體溫，更加想係俾佢發現更多我有趣嘅地方。

我叫佢上去先，到底呢種關係係咪要拖住手上去，先顯得似情侶而唔係排遣情慾嘅禽獸。

一打開房門，我上到去，佢已經迫不及待咁將我按係墻到錫，佢嘅吻總會令我唔知要點樣回應，我試住去投入學去輕咬佢嘅唇，頂入佢既齒間，當手袋跌落地果下我先清醒。