【甜/真人真事】我是他的常餐情人: 十九

第19章

「你自己一個人小心。」電話傳來Isaac久違嘅正常message。佢真係唔打算過嚟，又要若無其事地關心我。

「點啊呢排你嗰邊忙唔忙？」叫完嘢食我哋就開始傾閑偈，傾傾吓發現原來Keith有啲興趣都同我幾夾，好似近排運動嘅嘢佢同我取向都好相似，諗返轉頭Isaac同我哋年紀相差一大截，佢似乎對社會運動都冇乜特別嘅感覺，就算係夜晚OT傾開，佢都係停留係傾向支持同埋會去投票咁大把。同志同道合嘅人傾偈就係講嘢唔使就住就住。

「我仲有啲手尾未搞掂，應該過唔到嚟。」Isaac又突然間好有交帶咁樣send咗個message嚟，其實我地都預咗佢唔會過嚟。係我習慣性喺佢身上期望太多姐。

好快啲嘢食就上齊，我哋都叫得OK多香口野，keith提議不如叫少少啤酒我欣然答應。



「間野啲小食同啤酒都OK使唔使等埋你過嚟啊？」我拎出電話打咗個message俾Isaac，最後一次任性，睇佢係咪真係完全唔在意我。

電話傳來一陣震動，我心中一動，拎出嚟一望原來係阿熙，

「早兩日出咗trip，點啊你同你個上司？」佢知道我近排煩惱嘅源頭係得壹個，

「冇啊哈哈，今日OT同左個同事出去食嘢，近排咪又係咁同佢冇乜特別。」

「又有一個？」



「我睇吓唔係佢係咪一樣可以食得咁開心。」

「喂你send你個地址過嚟我等陣去接你。」我send咗個地址比佢跟住又懶係投入咁繼續同keith講嘢。佢以前一路都借啲意約我出去食飯，喺message講嘢都好似好over，但係佢出到嚟食飯面對面又反而幾正常，莫非呢條友係個扮player嘅乖仔？佢細過我幾個月，有時候講嘢仲保留着小男孩嘅感覺都幾可愛。


「咦都有少少夜，我哋下次再約出嚟食過？」keith佢見我望落去有啲攰伸手埋單。

「好啊下次再約。」
我哋一齊行去搭車，跟住分道揚鑣，我拎出電話一望，原來阿熙已經喺附近，我就打俾佢。大概5分鐘，阿熙架車已經嚟到我面前，佢見我又飲酒飲到面紅紅佢眉頭一皺，



「做咩單獨同男同事飲酒？」

「我以為佢聽到我飲酒佢會蒲頭。」我自嘲咁講。

「唉，唔好咁啦，有咩就叫我出嚟啦，我會一直陪住你。」佢將我抱入佢胸前，一陣混合佢氣息嘅淡香水嘅味包圍着我，令人有無比嘅安全感。我抬頭望住佢，然後我哋兩個個頭越嚟越接近。