由O Camp組爸組媽變左做真正既夫妻: Chapter 90

第二日既早上，係我同Claudia著校服去約會既日子。

係前一晚，我就將預先熨好既男拔校服著上身，好在我讀大學之後都Keep住運動，只係後期瘋狂做Gym，所以件衫會因為肌肉發達既關係都迫少少，但總括來講都算岩身，而家睇落真係好Fit。我地男拔既校服都係白色恤衫，灰色西褲，再打返條我地DBS既校呔。感覺就返去四五年前一樣。 


身為學生哥，當然要加返對Dr.Martens既黑短靴啦，諗返起當時為左呢對靴，差唔多用成兩三個月既零用錢去買。結果返去就係比Steven同Michael兩條仆街係到笑。話我當時為左溝女，哥以買千幾兩千蚊既返學鞋，而練籃球同田徑嗰陣就寒酸到問佢地借鞋黎練習甚至出賽。而呢對靴真係好耐用，好耐看，基本上用四五年都唔會爛。只係定期要做補油同護理。 

而家著返起呢套校服，就好似諗返起當年係咁同學嬉笑玩鬧，又係到成日講粗口唱衰邊個邊個。諗返起就好似尋日既事情咁。之不過咁，我以前中學基本上都會同班同學會互相尊重，就算抽水都係點到即止，去到某個點就會自動收聲。所以我由細到大係學校裡面人緣好好，除非有啲同學做得太過份，我地先會抽下佢水。 

呢個時候，妹妹就入左黎我間房到。佢呢個樣，就知我知校服look嚇左佢一跳。而妹妹，就著住女拔校服啦！見到妹妹而家大個左好多，變得亭亭玉立，唔再係以前既死靚妹。



「屌你啊，晨早流流著住校服做乜啊？」妹妹又係到鬧我。

「你理得我啦！」我反駁佢。

「我諗你唔係為左我先著校服掛？」妹妹話。

「你話呢？」我話。

「唔使諗⋯⋯除左Claudia姐姐之外，怕且我諗冇第二個女仔會令你咁做。除非Winnie姐姐返生啦！」妹妹話。



「如果你鐘意既，你咪搵Claudia姐姐一齊影校服照囉。反正你都當左佢係你家姐。」我係到大笑。

呢個時候，Claudia就Wtsapp我，話落黎屋企搵左我先。過左十五分鐘後，佢就按左我屋企門鈴，妹妹就搶先我一步，開左門比Claudia入黎。

我見到Claudia著住女拔校服既樣，搞到我快要失血過多致死，氣絕身亡了。

嘩嘩嘩，Claudia呢身校服Look簡直好似仙女下凡，將佢標緻既美貌，34F上圍，22吋細腰，雪白般既皮膚，42吋既長腿配搭得好完美，而今日佢為左呢個Look將頭髮紮成馬尾，真係好清純，睇上同妹妹年齡差唔多，如果我唔識佢地兩個既話，以為佢地係同班同學。 

而Claudia就係我面前轉左個圈，對住我甜笑。搞到我為佢心動到呢。



「早晨啊，男拔仔！」我話。

「早晨啊，女拔妹！」Claudia話。

「Claudia姐姐你好靚啊，今日你同哥哥去街啊？」妹妹問。

「嗯，今日Angela你要返學？」 Claudia問。

「係啊，姐姐你不如陪我一齊返學啦！」妹妹話。

我同Claudia冇意見，聽妹妹話，三個人一齊著校服出去。

講到明今日要做返學生，又點會揸架掃把佬周圍走呢？所以我地三個就唔揸車，齊齊坐110巴士。



一上到110巴士，我地就上左樓上頭位坐，一齊睇下風景。由於今日係星期六，所以都冇咩人坐巴士，我地就可以慢慢Enjoy啦！

講起巴士，我真係好耐冇坐過，記得以前就算返大圍同DBS都係坐東鐵，之後考到車牌都係揸車返HKU。而家坐返巴士，好似有一種返老還童既感覺，唔講唔知，我而家先明白到原來啲人日日迫巴士返工，係一件咁奢侈既事黎。

我地望住架巴士由屋企經東區走廊出到銅鑼灣，再上橋入紅隧過海出九龍。有時慢慢咁樣游下巴士河，都係一件唔錯既事。