由O Camp組爸組媽變左做真正既夫妻: Chapter 77

「不如我哋兩個錄住video，一齊合唱啊！」Claudia提議。

「好啊，不過你要就住我啲拍子喎！」我回應Claudia。

「頂你啦講呢啲！」

「親愛嘅林老師準備好未啊？」我問。

「準備好啦，梁律師！」



於是我哋兩個人就帶返AirPods，一邊聽伴奏一邊唱歌，同時為咗可以有更好嘅收音效果，就唱返我哋嗰首歌。咁樣唱歌其實都係第一次，雖然尋日都有同Claudia合唱，但今次個氣氛好唔同。

我一邊唱一邊諗，我哋可以學番啲Youtuber一齊開返個情侶pages，將個名可以定為「Aaron&Claudia」。但係諗落好似又唔係幾好咁樣，肯定有好多人以為我哋兩個喺度扼like，同埋如果講啲嘢垃圾嘅話一定會俾人插，到時我哋兩個就一定冇面見人！所以都係低調啲好，因為⋯⋯我同Claudia嘅事只可以由我地兩個決定。

我哋一邊錄Video，我哋兩個都唱得好投入，而Claudia不時向我單下眼、伸下脷咁樣，搞到我Sweet到呢⋯當然啦我都笑面迎人咁樣對住佢，俘虜佢嘅少女心！

結果我哋唱咗差唔多起碼一個鐘頭，呢個時候突然間有人敲我哋車門。屌究竟邊個咁撚掃興呀？好彩我哋兩個唔係喺度車震姐，阻人扑嘢會燒春袋㗎！

我望一望，原來係⋯⋯Miki。佢嘅出現簡直係大煞風景。



「搞咩啊Miki姐？」我同Claudia異口同聲地問。

「咩啊啱啱揸車返嚟咋嘛！」

「Miki你有車牌㗎咩？」我用一種懷疑嘅語氣問Miki。

「啱啱考到咋嘛，不過都係揸住屋企人同埋我男朋友果部！」Miki話。

「原來你考棍波啊？」我問。



「係呀！要學吓Claudia，邊個話女仔唔可以考棍波㗎！」Miki話。

「你啱！」我話。

「你好勁呀Miki！」Claudia喺到鼓掌。

「Claudia你要教我喎！」

「好啊！」Miki講完就同Claudia鼓掌。

講完之後，Miki就帶咗我去坐佢架車。見到之後我就嚇咗一跳，原來係⋯⋯