由O Camp組爸組媽變左做真正既夫妻: Chapter 76

呢一下，就將我由FF拉回現實。

我望一望，原來係Claudia啪我。見到佢個樣好可愛，有啲想喺其他人面前Kiss佢。

「做咩啊B？」我問Claudia。

「講！頭先諗緊乜嘢？」Claudia擺出左一個男人都無法抗拒嘅表情。

「冇啊冇啊冇啊⋯⋯」我好驚咁講。



「有嘅有嘅有嘅⋯⋯你拮起條尾我就知你想點啦，你好快啲從實招來啊！」Claudia扯住我件衫尾咁講。話時話佢個表情真係同妹妹一模一樣，肯定係妹妹教佢嘅！

「我喺度諗緊⋯⋯我哋結婚之後去邊到渡蜜月啊？」我好曖昧咁同Claudia講。

「傻瓜咁快就諗蜜月旅行？乜我有個話要嫁比咩？」Claudia問。

「你已經係我㗎啦！唔准返口，今晚呢我哋要生BB！」我喺Claudia耳邊咁講。

「快啲行啦，本小姐要返去，聽日仲要去教啲小朋友唱歌㗎！」



「知道啦B！」

話咁快我哋就行到去停車場攞車。Claudia就話俾我做返司機，仲話下次先蹂躪我部掃把佬。

上咗車，我就打開車機，轉左去收音機頻道。通常我聽收音機我就會比較鍾意聽港台或者商台嘅Channel，會聽下佢哋嘅新聞、交通消息、電台節目。了解下身邊會發生啲乜嘢事。

今次我就轉咗雷霆881，轉好咗再望一望Claudia，見到佢個樣好苦惱。

「做咩啊B？」我問Claudia。



「諗緊聽日唱咩歌俾小朋友聽⋯⋯唔使理我啦開車啦！」

既然Claudia咁樣講，我就唯有遵從佢嘅意思，將架車駛離停車場，揸車返番出市區。

如果由機場出返港島，最快都係行西隧。但同時亦都係最貴，不過冇辦法啦！有時為咗趕時間，唔通入埋九龍嗰邊慢慢兜咩？當然都係學返巴士咁行啦。

不過唔知點解一出咗貨櫃碼頭嗰邊，就變得好塞車。我都覺得奇怪，明明夜晚10點幾都仲塞車？

呢個時候收音機又講交通消息：「青葵公路出九龍，近貨櫃碼頭對開有交通意外，去到上址留意在場警務人員指示。」

原來又係交通意外，見到有架舊款Accord係慢線死咗火，前面就有架鐵馬喺度。我就無理佢，繼續向前行。

然後個收音機又轉左音樂台，播左一首好舊嘅兒歌。我聽首歌嘅旋律肯定係90年代，啲歌詞好熟悉。但係肯定唔係上次O Camp我哋唱歌首《生命有價》。

歌詞大致如下：



國語堂讓我知鳥兒歌唱　喜報天亮
數學堂又說星數目難知道
我每夜望但見空蕩
美術堂又說天　雨後虹彩會跨過天上
我便求下雨天雨後常張望
我看不到我只找到隔壁窗
書本中有農場　抬頭只得操場
世界哪兒有著農夫在插秧
天空不見月亮月亮躲於高牆
也許羞愧再比不上晚燈光
哪兒讓我聽鳥兒歌唱　充滿早上
哪兒望見星每夜來閃照　
數著入睡到天亮
哪兒若有天雨後虹彩降　可給我張望


哪兒讓我找老樹來依傍
那麼空矌那麼廣闊那麼清朗

呢一首歌，原來就係葉蘊儀唱既《哪兒》。點解我對呢一首歌好深刻？因為以前細個爹哋媽咪成日會播呢首歌俾我聽，第一次聽個印象就已經好深刻，而當年小學嘅音樂考試我就揀咗呢首歌嚟唱，搞到俾啲女同學喺度笑。

雖然呢一首歌係一首兒歌，但係其實佢講嘅嘢係好殘酷，其實可以話係比大人嘅歌。我再眼尾望一望Claudia，已經聽到入晒神。

「B啊，頭先嗰首係咩歌嚟㗎？」Claudia問我。

「陣間再話俾你知！」我回應佢。

「好啦！」

我唔話俾Claudia知嘅原因只係因為佢未必知道葉蘊儀會係邊個，同埋而家揸緊車。



返到去屋企個停車場，我就拍好車。

「B啊而家停咗車啦喎，你可以講歌名未啊？」Claudia嗲住咁問我。

於是我就攞我部電話開Youtube，駁去個藍芽車機到，一齊分享吓聽音樂嘅樂趣。

「幾好聽下呢首歌，係啦係啦就係呢種感覺啦！」Claudia話。

「呢首歌呢叫做《哪兒》，係葉蘊儀唱嘅兒歌！呢首歌好似我同你咁耐歷史。」

「原來係咁，幾好聽幾易唱！好啦聽日我哋就唱呢首歌啦！多謝你呀B！」

好似只係得你教班小朋友唱歌咋喎，好似唔係幾關我事⋯⋯