由O Camp組爸組媽變左做真正既夫妻: Chapter 63-Claudia故事篇1
Hello大家好，我係林雅晴，你哋可以叫我做Claudia。由細到大，我爹哋媽咪好錫我，可謂萬千寵愛在一身。而且我無論係讀書還是運動方面成績都好突出，喺DGS既田徑校隊同排球校隊嘅代表，而我平時對啲同學仔都好友善，對老師好尊敬，唔會擺出一副高材生既架子，所以得到好多同學同老師呵護，係學校裡面好受歡迎。但同時由於我亦都係女校出身，除咗我爹哋之外、好少機會接觸到男仔。
記得Form3嗰年既港九D1學界田徑賽，其中有一個男拔既田徑隊員無論係外貌身材、還是跑步嘅英姿深深咁吸引着我。佢個樣好似謝霆鋒，180cm既身高，充滿肌肉感，再加上充滿陽光嘅笑容，搞到我都為佢春心蕩漾。有時我喺度諗如果佢係我男朋友就好啦，但可惜爹哋媽咪話中學生唔可以拍拖，要等我大學生先得。
然後係中途休息嗰陣，我就走去汽水機到買枝寶礦力飲，當我想用八達通拍卡嗰陣，發現原來唔夠錢。點知突然間嗰個男拔仔竟然係我面前出現，原來佢係到㩒野飲，唔知點解見到佢既時候，我個心跳得好快，好似觸左電一下。因為我好想叫嗰個男仔幫我買野飲，但係我真係好緊張唔緊問佢啊。點算啊？
當我想開口嗰陣，突然間嗰個男拔仔比左枝寶礦力我，對住我係到微笑。嗚啊！佢個笑容真係好吸引啊。
「嗱，請你飲啦！」男拔仔話。
「多謝你啊！我比返錢你啦！」我笑住話。
「唔洗啦，請你就請你啦！」男拔仔話。
「咁爭住你先啦，嘻嘻！」我話。
突然間，有人係到叫嗰個男仔返去，但因為距離太遠既關係，所以我聽唔到嗰個男仔叫咩名。然後個男仔就走左返去，然後個男拔仔臨走前同我講：「好啦有緣再見啦，比賽要加油啊！」
嗰個男拔仔講完之後，我都返去準備餘下既賽事，唔知係咪因為佢既關係，嗰年我除左攞女子B Grade既全場冠軍，仲破左女子100米既Record。
完賽之後，我就問我田徑隊嘅隊友，想了解吓嗰個男拔仔嘅背景，原來佢個名叫做梁智勇，英文名叫Aaron，同我讀同一個年級。除咗田徑校隊，佢更加係男拔籃球校隊嘅隊長，上年就幫男拔攞咗全港學界籃球冠軍；佢亦都係學生會文康部嘅副部長，成日都要幫學校搞啲聯校活動。
後來到左Form 5嗰年，我就同Kary一齊睇Aaron嘅籃球比賽。就係因為佢嘅後仰跳投，令到冠軍無望嘅男拔能夠打敗對手，連續佢哋嘅大滿貫。比賽完咗之後，當時我好想搵Aaron影相架，但因為我由於太怕羞嘅關係，於是我就叫Kary一齊搵佢影相，嗰時我真係好驚好驚佢會拒絕。但係Aaron個笑容真係好熱情，笑住咁樣同我一齊影。嗰時我真係好開心㗎，因為可以同我仰慕嘅男仔一齊影相。
可惜，比賽完咗之後。原來佢同左我哋學校嘅Winnie拍拖，當時因為屋企人嘅壓力，以及唔想傷害到佢哋兩個嘅關係。我就一直將呢件事收埋係心底，好快咁樣忘記咗Aaron啦。
到咗我Form6嗰年，由於我由細到大都想做一個幼稚園老師，加上我DSE成績唔錯，所以就入到HKU既教育系。有一次Kary約咗我出去，話帶我去識一班男仔。我見Kary係我嘅好姊妹，我就好快答應佢。
去到嗰陣，有個叫Edmond嘅男仔成日都主動搵我傾偈，當我見到佢嗰陣，佢高大俊朗，屋企又有錢，又揸波子，仲要係美國回流返嚟。後來佢成日約我行街睇戲食飯，慢慢我就對佢產生左好感，然後有一次行街，佢就話：「Claudia，當我第一眼見到你嗰陣我已經好鍾意你㗎，你可唔可以做我女朋友呀！」
俾佢咁樣表白法，我都唔知有咩反應，只係識咁樣點左頭。講真啦其實我都唔知係咪真係鍾意佢？但當時我只係想有一種初戀嘅感覺，所以我就應承咗佢。就連Kary話我唔聲唔聲就拍拖，嚇佢一驚。我同佢拍咗三年拖，第一年我同佢都好恩愛，成日係啲朋友面前曬命。不過可能因為我份人傳統，所以我一直都冇同Edmond發生任何性關係，到目前為止依然係處女之身。
但可惜，當我帶佢見爹哋媽咪嗰陣，唔知點解爹哋媽咪好唔鍾意佢，覺得佢係一個花心、會偷食嘅賤男。甚至為咗呢件事我同爹哋媽咪唔知嘈交左幾多次。後來我就申請Exchange去咗英國半年，而Edmond就因為工作關係就冇同我同行，一個人留低咗係香港。起初我哋都會每晚Wtsapp、FaceTime，互相講吓大家嘅近況。後來因為我哋聚少離多，大家都變得少聯絡。返咗嚟香港之後，我同Edmond發生好多爭吵，甚至成日鬧分手。不過係其他人眼中，我依然同佢好甜蜜，係一對熱戀中嘅情侶。
去到我Year 3嗰陣，我終於忍唔住，因為我發現佢成日同其他女仔藕斷私連，搵藉口唔聽我電話。起初我都唔知係咩人嚟㗎，後來我有一次同大學同學行街嘅時候，我發現佢同我最好嘅好姊妹Michelle拖住手出街，我真係好嬲，點解我心愛嘅男人背叛我？起初我以為男人逢場作戲，係一件天公地道嘅事。於是我忍唔住去質問佢，我見佢誠心改過，就決定原諒佢，當隻眼開隻眼閉就咁算。
可惜，江山易改、本性難移，一個人錯左就好難改啦，好快我就發現Edmond同Michelle一齊玩，仲係佢電話到搵到佢地既情慾片，原來咩花式都玩晒。我今次決定唔會再原諒佢，直接同佢講分手，點知個衰人係到強詞奪理，仲話我係到吊高黎賣唔肯比佢扑，完全對我冇感情。又係我面前大讚Michelle床上功夫了得，又肯比佢中出，而且Michelle仲話我係第三者，唔好再破壞佢地既關係。唔知點解聽完佢地講呢樣野，我就覺得自己好似一個傻女咁樣比人玩，我發誓我以後都唔會再比機會佢地兩個，將佢地兩個啲野Block晒。