由O Camp組爸組媽變左做真正既夫妻: Chapter 58

「B啊，做咩Oscar會買埋晒咁既車既？」Claudia問我。

「唔知呢，貪佢可愛掛。」

「不過架車好可愛啊，但係好細部，仲細部過我架Fit仔。」

「嗰啲其實唔岩係香港揸架，最岩揸就係B架Fit仔啦！」

「係咪冇力啊？我記得嗰啲K Car得660cc，一上山頂就會唔掂。」



「Exactly！」

好彩今日既觀塘道竟然冇咩車，唔知係咪星期六呢？你知啦平時呢個鐘數就會有好多既由大西北過黎既269C/268C/258/9D同A22、A29機場巴，仲有無數既的士、貨車、紅線Van係到Jam住晒，加上開源道嗰邊又多燈位。所以我平時冇咩事都唔會揸車入到呢到，寧願行觀塘繞道或者海濱道停低架車，再慢慢行路入返APM算數。其實老老實實觀塘除左碼頭、海濱長廊、志明橋、樂華南邨、地鐵站至APM一帶有野行之外，其他地方基本上都冇咩野行。而且政府又話要將觀塘工業區轉型為商貿區，又將啲舊樓拆晒重建。我心諗其實重唔重建基本上冇咩分別，不如將呢啲地方優化下，美下化，同埋改善下衛生咪仲好囉！

去到鯉魚門，雖然呢到仍然係觀塘區，但係呢到同觀塘、九龍灣已經好大分別。基本上呢到係一個避風塘，以出產海鮮為名，好多外國遊客都會慕名而來。



我泊好車之後，見世伯架車未到，就同Claudia、子瑜、子謙落車行下。有時吹下海風，同心愛既人傾下偈，簡直係人生一大樂事。而家仲有兩個小朋友陪我地兩個大人，可以話係四人行，享受家庭樂。



「B啊！你睇下，原來對面係屋企啊！」Claudia指住對面海，原來呢到可以望到西灣河、太古城、筲箕灣一帶。

「係喎！」我話。

「呢到可以游水過去添啊！」

「你唔係而家想游過去啊嘛？」我問Claudia。

「唔好傻啦！係都游泳池啦！」Claudia又挪瑜我。




見到Claudia呢個咁可愛既笑容，同呢個美麗既夕陽襯到絕一絕，於是我忍唔住，用手機拍下佢美麗既嬌姿。當我想按下快門嗰陣，Claudia就好嗲咁講：「喂啊！唔好影啦！人地好怕醜架！」

「怕咩喎？我鐘意你⋯⋯而個樣！」

「你好衰架！你影我，我就要影返你！」Claudia講完就攞左部電話出黎。

「最多⋯⋯我同你一齊影啦！」我向Claudia提議。

「咁先係架嘛！錫晒你啊B！」

「Aaron哥哥，雅晴表姐！我地兩個都要同你一齊影！」子謙子瑜異口同聲咁講。

「好！我地四個就一齊影啦！！笑一個。」



見子瑜子謙兩個咁開心，我今次就用Snow呢個App，較左唔同既Effect同佢地三個一齊Selife，我地邊較Effect邊影。呢個時候既Claudia就小鳥依人咁挨住我，而子瑜子謙笑得好開心，不斷咁哈哈大笑。我地四個真係好似一家四口，笑聲笑聲，滿載溫馨，快樂發心內。

就係呢個時候，世伯伯母、公公婆婆、同子瑜子謙既雙親都黎左。我地一行人就行左入去今晚食飯既海鮮酒家。見到Claudia既公公婆婆同呢到既老板好熟，睇黎佢地真係會成日黎。同時，世伯就叫我出去陪佢睇海鮮。

我地兩個就行左出去。然後我就係啲海鮮到左望右望，等下次既時候可以同爹地佢地黎食。

「阿勇啊！你有咩想食架？」世伯問我。

「我冇所謂架！咩都食，食得落口就得啦 ！」我回應佢。

「嘻嘻！你同你爹地一樣，為人就好隨和！唔怪得雅晴咁鐘意你！」

「咁雅晴要求高姐！世伯啊，你地食唔食肉蟹、瀨尿蝦、花甲、同埋竹圍蝦啊？」

「阿勇你又會估到呢啲野係雅晴鐘意食既？」世伯問。



「我都估架咋，因為以前我得閒會買呢啲返去煮海鮮餐食！有問題啊？」

「下次世伯伯母落黎痴餐先！加埋兩個菜就得啦！」

「好既好既！」

世伯就落左單，襯時間仲早就叫我帶佢去睇下架RX200T。