由O Camp組爸組媽變左做真正既夫妻: Chapter 59

「嘩，你架車靚野喎！」世伯話。

「哈哈係啊！」我話。

「呢款車岩係香港揸啦！！」

「係咩？」我問世伯。

「當然啦！可唔可以比世伯睇埋車廂啊？」世伯問我。



「比你揸都得啦！」我用車匙開左鎖，然後比世伯坐入去司機位到。

見到佢好似小朋友開心，我呢個未來女婿都覺得欣慰。不過我就只係比世伯坐下司機位，冇開車匙比佢揸。你知啦陣間如果唔見人既話我好難同到Claudia、伯母交代。

「不過呢款車內籠好新淨，仲要原裝袋都未拆添！」世伯問我。

「想Claudia坐得舒服啲！」

「所以你話好仔就係好仔！玩車之餘又會照顧到我寶貝女既感受。」



我同世伯傾到興起嗰陣，Claudia同伯母就突然間係我後座出現。

「B，爹地，你地做咩咁好傾既？」Claudia問我同世伯。

「傾車咋嘛！」我回應佢。

「我話阿勇係好仔啊！你放心可以嫁比佢。」世伯同Claudia講，搞到我同Claudia面都紅埋。

「好啦！野食到啦！我地去食野啦！」伯母對我地三個講，於是我地就鎖返架車，入返酒樓到。



一入到去，原來我地點既野食差唔多到晒。我就不斷幫Claudia係咁夾菜，又幫佢整啲魚蝦蟹。搞到佢好霖。而Claudia公公、婆婆佢地都係講屋企啲野，搞到我一句都聽唔明，所以我都係聽左就算，以示尊重。最多有時會同Claudia竊竊私語。

呢一餐，我地大家都食得好開心，而公公婆婆見到我好似好開心咁。真係當左我係佢地既孫女婿。話時話佢地啲性格真係同我爺爺嫲嫲好似，又不斷話下棋同打麻將，又不斷係到講下是非歷史。我諗應該下一次開一枱麻將比佢地幾個打先。

唔講唔知，原來世伯伯母以前係英國讀書、拍拖同結婚，後來係當地生左Claudia之後就返左香港。所以Claudia同我都有英國國籍，係英國出世。而Claudia既公公婆婆以前係大馬拿督黎，後來放棄左家族生意，黎左香港就生左Claudia既媽咪同細姨，以及重新發展佢地既事業。再後來到左臨近97，佢地就決定一家移民到英國。不過佢地既物業一直都冇變賣到，因為佢地會每個月都會返黎香港住。

食完呢餐之後，公公同婆婆見到我架RX200T流晒口水。唔係連老人家都鐘意啊嘛？以佢地既家財一定會係坐開Benz、寶馬、或者勞斯萊斯嗰啲啊嘛？

「阿勇啊！你可唔可以車公公、婆婆返去啊？我地想坐你架車啊！」公公對我同Claudia講。

「怕唔怕唔舒服啊？」我問。

「叫你車就車啦！咁多野講。」Claudia又係到話我。

「B你話點就點啦！」我摸住Claudia可愛既臉朧講。



我就開左車門比公公婆婆上車先，然後我同Claudia就上車。而世伯叮囑我：「記得揸慢啲！」為左公公婆婆坐得放心，所以我都得登揸慢少少。就等左世伯出左車先，我就後面跟住佢。用左半個鐘頭多啲先返到何文田。

「唔錯啊阿勇，手車幾穩陣。」公公同我講。

「多謝公公！多謝婆婆！」我謙虛咁講。

「嗱下次呢公公就送隻勞力士比你，不過你要娶左雅晴先！」公公話。

唔知點解Claudia公公一講「勞力士」就會好興奮，但係我對雅晴係真心既，所以無論點都好，我會好好努力賺錢養Claudia一世。如果兩個人係政治婚姻既話，就會產生好多問題。

「嘻嘻，不過公公我唔可以攞你啲錢架，我會好好努力養雅晴，唔會比佢受苦。」我拖住Claudia隻手講。

「好好好！果然雅晴冇得錯人！」婆婆話。



「我揀得既都冇錯既！」Claudia話。

傾左一陣，Claudia既細姨、細姨丈就同左公公婆婆、子謙子瑜上左去。而我、Claudia、世伯伯母就打道回府。